BMT Azərbaycanın yaxın tərəfdaşıdır və bu ölkənin ərazi bütövlüyünü dəstəkləyir

Bu sözləri BMT-nin Azərbaycandakı İctimai İnformasiya Departamentinin rəhbəri Envera Selimoviç demişdir.

E.Selimoviç bildirmişdir ki, BMT Təhlükəsizlik Şurasının Dağlıq Qarabağ münaqişəsi ilə bağlı qəbul etdiyi dörd qətnamənin yerinə yetirilməsi məsələsi hər bir azərbaycanlının və problemin həll olunması istiqamətində səy göstərən bütün insanların arzusudur.

Dağlıq Qarabağ münaqişəsi ilə bağlı aparılan danışıqların irəliyə doğru getdiyini deyən qurumun rəsmi nümayəndəsi vurğulamışdır ki, Azərbaycanın ərazi bütövlüyünü təkcə BMT yox, digər beynəlxalq təşkilatlar da tanıyır. Bundan sonra da məsələ ilə bağlı lazımi qətnamələr hazırlanacaqdır.

AzərTAc

Azərbaycan.- 2009.- 16 avqust.- S. 1.