Naxçıvan Muxtar Respublikası Ali Məclisində müşavirə keçirilmişdir

Naxçıvan Muxtar Respublikası Ali Məclisində müşavirə keçirilmişdir.

Müşavirədə 2009-2010-cu illərin payız-qış mövsümünə hazırlıqla əlaqədar görüləcək işlər və debitor borclar haqqında məsələlər müzakirə olunmuşdur.

Naxçıvan MR Baş nazirinin birinci müavini Asəf Məmmədov, Naxçıvan Şəhər İcra Hakimiyyətinin başçısı Vüqar Səfərov, muxtar respublika Dövlət Energetika Agentliyi baş direktorunun müavini İslam Əliyev payız-qış mövsümünə hazırlıqla əlaqədar çıxış etmişlər.

Naxçıvan Beynəlxalq Hava Limanının direktoru, 705 saylı hərbi hissənin komandiri, "Naxçıvan" Sərhəd Diviziyasının komandiri, Naxçıvan MR daxili işlər naziri, fövqəladə hallar naziri, ədliyyə nazirinin müavini - Penitensiar Xidmətin rəisi, iqtisadi inkişaf naziri, nəqliyyat naziri, rabitə və informasiya texnologiyaları naziri, rayonların icra hakimiyyətlərinin başçıları müzakirə olunan məsələ ilə əlaqədar məlumat vermişlər.

Naxçıvan MR maliyyə naziri Xalid İsgəndərov debitor borclar haqqında çıxış etmişdir.

Naxçıvan MR Ali Məclisinin Sədri Vasif Talıbov 2009-2010-cu illər üçün payız-qış mövsümünə hazırlığın vəziyyəti haqqında çıxış etmiş, müvafiq təşkilatlara bir sıra tapşırıqlar vermişdir.

Ali Məclisin Sədri müşavirəyə yekun vuraraq demişdir ki, bu gün müzakirə olunan məsələlər haqqında əlaqədar təşkilatlar tədbirlər planı hazırlamalı, komissiyalar yaradılmalı, nöqsanlar tezliklə aradan qaldırılmalı və tapşırıqlar qısa müddətdə yerinə yetirilməlidir.

AzərTAc

Azərbaycan.- 2009.- 18 avqust.- S. 2.