Azərbaycan
Respublikasının Milli Məclisi qərara alır:
"Ərazi quruluşu
və inzibati ərazi bölgüsü haqqında" Azərbaycan
Respublikasının Qanununda (Azərbaycan Respublikasının
Qanunvericilik Toplusu, 2000-ci il, ¹ 10, maddə 709; 2004-cü il,
¹ 1, maddə 6; 2007-ci il, ¹ 6, maddə 563; 2008-ci il,
¹ 5, maddə 345) aşağıdakı dəyişikliklər
və əlavələr edilsin:
1. 2.6-cı maddədən
"bir və ya daha çox şəhər, qəsəbə
və ya kənddən ibarət olan," sözləri
çıxarılsın.
2.
Aşağıdakı məzmunda 2.12-ci maddə əlavə
edilsin:
"2.12. Ərazi vahidlərinin
Dövlət reyestri - Azərbaycan Respublikasının ərazi
vahidlərinə və inzibati ərazi dairələrinə
dair sənədləşdirilmiş məlumatları əks
etdirən dövlət informasiya ehtiyatı mənbəyidir.".
3. 7.4.4-cü maddə
aşağıdakı redaksiyada verilsin:
"7.4.4. qeydə
alınması təklif olunan ərazi vahidində yaşayan, səsvermə
hüququna malik olan vətəndaşların ümumi
yığıncağının
(yığıncaqlarının) qərarı (səsvermə
hüququna malik olan, habelə yığıncaqda
(yığıncaqlarda) iştirak etmiş şəxslərin
sayı göstərilməklə);".
4. 7.4.5-ci maddə
aşağıdakı redaksiyada verilsin:
"7.4.5. qeydə
alınması təklif olunan ərazi vahidinin və onun tabe
olacağı inzibati ərazi dairəsinin müvafiq icra
hakimiyyəti orqanı tərəfindən təsdiq edilmiş
xəritələri.".
5. 7.6-cı maddə
aşağıdakı redaksiyada verilsin:
"7.6. Ərazi vahidləri
birləşdikdə bu qanunun 7.5-ci maddəsində göstərilmiş
sənədlərə birləşmə nəticəsində
yaranan ərazi vahidinin və onun tabe olacağı inzibati ərazi
dairəsinin müvafiq icra hakimiyyəti orqanı tərəfindən
təsdiq edilmiş xəritələri və birləşən
ərazi vahidlərində yaşayan, səsvermə
hüququna malik olan vətəndaşların ümumi
yığıncağının
(yığıncaqlarının) qərarı (səsvermə
hüququna malik olan, habelə yığıncaqda
(yığıncaqlarda) iştirak etmiş şəxslərin
sayı göstərilməklə) əlavə olunur.".
6. 8.4.5-ci maddə
aşağıdakı redaksiyada verilsin:"
8.4.5. sərhədlərinin
müəyyən edilməsi və ya dəyişdirilməsi təklif
olunan ərazi vahidinin və onun tabe olduğu inzibati ərazi
dairəsinin müvafiq icra hakimiyyəti orqanı tərəfindən
təsdiq edilmiş xəritələri.".
7. 8.5-ci maddədə
"əhalinin (səsvermə hüququna malik olan şəxslərin
sayı göstərilməklə) sayı və onların
ümumi yığıncağının qərarı"
sözləri ", səsvermə hüququna malik olan vətəndaşların
ümumi yığıncağının
(yığıncaqlarının) qərarı (səsvermə
hüququna malik olan, habelə yığıncaqda
(yığıncaqlarda) iştirak etmiş şəxslərin
sayı göstərilməklə)" sözləri ilə əvəz
edilsin.
8. 9.4-cü maddədə
"rəy hazırlanır" sözləri "qərar qəbul
edilir" sözləri ilə əvəz edilsin.
9. 9.6.4-cü maddədə
"əhalinin (səsvermə hüququna malik olan şəxslərin
sayı göstərilməklə) sayı və onların
ümumi yığıncağının qərarı"
sözləri ", səsvermə hüququna malik olan vətəndaşların
ümumi yığıncağının
(yığıncaqlarının) qərarı (səsvermə
hüququna malik olan, habelə yığıncaqda
(yığıncaqlarda) iştirak etmiş şəxslərin
sayı göstərilməklə)" sözləri ilə əvəz
edilsin.
10. 10.3.4-cü maddə
aşağıdakı redaksiyada verilsin:
"10.3.4. statusunun
müəyyən edilməsi və dəyişdirilməsi təklif
olunan ərazi vahidinin və onun tabe olduğu inzibati ərazi
dairəsinin müvafiq icra hakimiyyəti orqanı tərəfindən
təsdiq edilmiş xəritələri.".
11. 11.2-ci maddə
aşağıdakı redaksiyada verilsin:
"11.2. İnzibati ərazi
dairələrinin yaradılması və onların ləğv
edilməsi bu qanunun 7-ci maddəsinə uyğun olaraq ərazi
vahidlərinin qeydə alınması və qeydiyyatdan
çıxarılması üçün nəzərdə
tutulmuş qaydada həyata keçirilir. İnzibati ərazi
dairələri üçün müvafiq icra hakimiyyəti
orqanı tərəfindən təsdiq edilmiş xəritə
tərtib olunur.".
12. 12.3.1-ci və
12.3.2-ci maddələr aşağıdakı redaksiyada
verilsin:
"12.3.1. irəli
sürülən təkliflərin məqsədəuyğunluğu,
yaradılması təklif olunan rayonun və ya şəhər
rayonunun ərazisi, tərkibində olan ərazi vahidlərinin
və inzibati ərazi dairələrinin sayı, orada
yaşayan əhalinin ümumi sayı və əsas məşğuliyyətə
görə tərkibi, əsas sənaye, tikinti, nəqliyyat,
kommunal, kənd təsərrüfatı müəssisələri,
sosial-mədəni, ticarət və məişət obyektləri,
habelə yaxın dəmir yol stansiyasının adı və
orayadək məsafə barədə müvafiq icra hakimiyyəti
orqanının təqdimatı;
12.3.2. yaradılması
təklif olunan rayonun və ya şəhər rayonunun müvafiq
icra hakimiyyəti orqanı tərəfindən təsdiq
edilmiş xəritəsi.".
13.
Aşağıdakı məzmunda 12.6-cı və 12.7-ci maddələr
əlavə edilsin:
"12.6. Rayonların və
şəhər rayonlarının adlandırılması və
adlarının dəyişdirilməsi bu qanunun 9-cu maddəsinə
uyğun olaraq ərazi vahidlərinə ad verilməsi və
onların adlarının dəyişdirilməsi
üçün nəzərdə tutulmuş qaydada həyata
keçirilir.
12.7. Rayonların və
şəhər rayonlarının sərhədlərinin
müəyyən olunması və dəyişdirilməsi bu
qanunun 8-ci maddəsinə uyğun olaraq ərazi vahidlərinin
sərhədlərinin müəyyən edilməsi və dəyişdirilməsi
üçün nəzərdə tutulmuş qaydada həyata
keçirilir.".
14. 13-cü maddə
aşağıdakı redaksiyada verilsin:
"Maddə 13. Ərazi vahidlərinin Dövlət
reyestri
13.1. Azərbaycan
Respublikasının ərazi quruluşu və inzibati ərazi
bölgüsünə dair qanunla müəyyən edilmiş
qaydada Azərbaycan Respublikasının Milli Məclisi tərəfindən
aparılan Ərazi vahidlərinin Dövlət reyestri (bundan
sonra - Dövlət reyestri) yaradılır.
13.2. Azərbaycan
Respublikasında yerləşən ərazi vahidlərinə və
inzibati ərazi dairələrinə dair bütün məlumatlar
Ərazi vahidlərinin Dövlət reyestrinə daxil edilir.
13.3. Dövlət
reyestrinə daxil edilmiş bütün ərazi vahidlərinə
və inzibati ərazi dairələrinə şəhadətnamə
və müvafiq icra hakimiyyəti orqanında təsdiq
edilmiş xəritə verilir.".
15.
Aşağıdakı məzmunda 13-1-ci maddə əlavə
edilsin:
"Maddə 13-1. Ərazi vahidləri və inzibati ərazi
dairələrinin xəritələrinə dair tələblər
13-1.1. Ərazi vahidinin və
ya inzibati ərazi dairəsinin bu qanunun 7.4.5-ci, 7.6-cı, 8.4.5-ci,
10.3.4-cü, 11.2-ci, 12.3.2-ci və 13.3-cü maddələrində
nəzərdə tutulan xəritələri müvafiq icra
hakimiyyəti orqanı tərəfindən müəyyən
edilmiş qaydada aşağıdakı tələblər nəzərə
alınmaqla hazırlanır:
13-1.1.1. ərazidə
yerləşən yaşayış məntəqələri,
onların adı, poçt şöbəsi, dəmir yolu və
şose yolları, çaylar, magistral su kanalları və ya
kollektorları, magistral neft və qaz kəmərləri, dəmir
yol stansiyaları, dövlət mülkiyyətində olan
torpaqlar və sərhədinin qonşuluqlarını müəyyənləşdirən
döngə nöqtələri göstərilməklə
(inzibati ərazi dairəsinə daxil olan şəhər, qəsəbə
və kəndlərin sərhədləri
ayrı-ayrılıqda müəyyənləşdirilir),
onların ərazisindən asılı olaraq sahəsi 4 kv.km-ə
qədər olduqda - 1:5000, 4 kv.km-dən 25 kv.km-ə qədər
olduqda - 1:10000, 25 kv.km-dən 100 kv.km-ə qədər olduqda -
1:25000, 100 kv.km-dən artıq olduqda - 1:50000 miqyasda tərtib
edilir;
13-1.1.2. sərhədinin
qonşuluqlarını müəyyənləşdirən
bütün döngə nöqtələri (sərhəd xətti
boyunca əsas istinad döngə nöqtələri və
onlar arasında müəyyənləşdirilmiş digər
nöqtələr) arasındakı məsafələri və
onların koordinatlarını əks etdirən yerquruluşu sənədlər
qovluğu xəritəyə əlavə edilir.
13-1.2. Bu qanunun 7.4.5-ci,
7.6-cı, 8.4.5-ci, 10.3.4-cü, 11.2-ci və 12.3.2-ci maddələrində
göstərilən xəritələrin təqdim edilməsi
tələbi yalnız qeydə alınan və barəsində
müvafiq dəyişikliklər edilməsi təklif edilən
ərazi vahidlərinə və inzibati ərazi dairələrinə
şamil edilir. Mövcud ərazi vahidlərinin və inzibati ərazi
dairələrinin xəritələrinin təqdim edilməsi həmin
ərazi vahidləri və ya inzibati ərazi dairələri
Dövlət reyestrində olmadığı hallarda tələb
olunur.".
16.
Aşağıdakı məzmunda 13-2-ci maddə əlavə
edilsin:
"Maddə 13-2. Vətəndaşların
yığıncağına (yığıncaqlarına) dair
tələblər
13-2.1. Ərazi vahidləri
qeydə alındıqda, birləşdikdə, inzibati tabeliyi dəyişdirildikdə,
onlara ad verildikdə və ya adları dəyişdirildikdə
hər bir ərazi vahidinin ərazisində yaşayan və səsvermə
hüququna malik olan vətəndaşların azı 25 faizinin
müvafiq məsələyə münasibət bildirməsini
təmin edən yığıncaq (yığıncaqlar)
keçirilir.
13-2.2.
Yığıncaqda (yığıncaqlarda) iştirak
etmiş vətəndaşların yarısından çoxu ərazi
vahidinin qeydə alınmasının, birləşməsinin,
inzibati tabeliyinin dəyişdirilməsinin, ərazi vahidinə
ad verilməsinin və ya onun adının dəyişdirilməsinin
"lehinə" səs verdikdə müvafiq qərar qəbul
edilir.".
İlham ƏLİYEV,
Azərbaycan Respublikasının Prezidenti
Bakı şəhəri, 30 iyun 2009-cu il
Azərbaycan.- 2009.- 29 avqust.- S.2.