Rusiya Federasiyasının Prezidenti zati-aliləri cənab Dmitri Medvedevə

Hörmətli Dmitri Anatolyeviç!

Moskvanın və bütün Rusiyanın Patriarxı, zati-müqəddəsləri II Aleksinin vəfatı barədə kədərli xəbəri dərin hüznlə qarşıladım.

Patriarx II Aleksi Azərbaycanla Rusiya arasında ənənəvi dostluq əlaqələrinin inkişafına, xalqlarımız arasında qarşılıqlı anlaşma və etimadın möhkəmlənməsinə sanballı töhfə vermişdir.

Hörmətli Dmitri Anatolyeviç, bu kədərli anlarda Sizə və bütün Rusiya xalqına dərin hüznlə başsağlığı verirəm.

İlham ƏLİYEV,

Azərbaycan Respublikasının Prezidenti

5 dekabr 2008-ci il

Azərbaycan.-2008.-6 dekabr.-S.1.