Ankarada ulu öndərin əziz xatirəsi anılmışdır

Türkiyənin dövlət televiziyası ilə aparılan danışıqlar nəticəsində dekabrın 12-də səfirliyimiz tərəfindən təqdim edilmiş Heydər Əliyevin həyat və faəliyyətinə həsr olunmuş film televiziya kanallarında yayımlanmışdır. Bundan əlavə, həmin gün səfirliyin əməkdaşları, qardaş ölkədə təhsil alan tələbələr və müdavimlərimiz, bu şəhərdə yaşayan və çalışan soydaşlarımız Heydər Əliyevin Ankaradakı abidəsini ziyarət etmişlər. Abidənin önünə əklil qoyulmuş, gül dəstələri düzülmüşdür.

Dekabrın 12-də Ankaradakı Kocatəpə və digər məscidlərdə ümummilli liderimizin ruhuna dualar oxunmuşdur.

Oqtay BAYRAMOV,

AzərTAc-ın xüsusi müxbiri

Ankara

Azərbaycan.-2008.-13 dekabr.-S.7.