"Dövlət borcu haqqında" Azərbaycan Respublikası Qanununun tətbiqi ilə əlaqədar Azərbaycan Respublikasının bəzi qanunvericilik aktlarına əlavələr və dəyişikliklər edilməsi və Azərbaycan Respublikası Milli Məclisinin 1992-ci il 29 dekabr tarixli 425 nömrəli Qərarının qüvvədən düşmüş hesab edilməsi barədə

Azərbaycan Respublikasının Milli Məclisi qərara alır:

I. Azərbaycan Respublikasının Mülki Məcəlləsinə (Azərbaycan Respublikasının Qanunvericilik Toplusu, 2000-ci il, N 4, I kitab, maddə 250, N 5 maddə 323; 2002-ci il, N 12, maddə 709; 2003-cü il, N 8, maddə 420; 2004-cü il, N 3, maddə 123, N 5, maddə 318,

N 6, maddə 415, N 10, maddə 761, N 11, maddə 901; 2005-ci il, N 2, maddə 61, N 6, maddə 466, N 8, maddələr 684, 692, 693, N 11, maddə 996, N 12, maddə 1085; 2006-cı il, N 2, maddə 68, N 3, maddə 225, N 5, maddə 387, N 6, maddə 478, N 8, maddə 657, N 12, maddə 1005; 2007-ci il, N 2, maddə 80, N 6, maddə 560, N 8, maddə 745, N 10, maddə 937, N 11, maddə 1053, N 12, maddələr 1215, 1219; 2008-ci il, N 3, maddə 145, N 6, maddə 456; Azərbaycan Respublikasının 2008-ci il 13 iyun tarixli 648-IIIQD nömrəli Qanunu) aşağıdakı məzmunda 276.4-cü maddə əlavə edilsin.

"276.4. Azərbaycan Respublikasının dövlətə məxsus aktivləri, onun beynəlxalq ehtiyatları və gələcəkdə yarana biləcək aktivləri dövlət borcu və ya dövlət tərəfindən zəmanət verilmiş borc üzrə öhdəliklərinin yerinə yetirilməsinin təminatı məqsədilə girov qoyula bilməz.".

II. Azərbaycan Respublikasının Cinayət Məcəlləsinə (Azərbaycan Respublikasının Qanunvericilik Toplusu, 2000-ci il, N 4, II kitab, maddə 251, N 12, maddə 835; 2001-ci il, N 1, maddə 24, N 7, maddə 455; 2002-ci il, N 1, maddə 9, N 5, maddələr 236, 248, 258, N 6, maddə 326, N 8, maddə 465; 2003-cü il,

N 6, maddələr 276, 279, N 8, maddələr 424, 425,

N 12, I kitab, maddə 676; 2004-cü il, N 1, maddə 10, N 4, maddə 200, N 5, maddə 321, N 8, maddə 598,

N 10, maddə 762, N 11, maddə 900; 2005-ci il, N 1, maddə 3, N 6, maddə 462, N 7, maddə 575, N 10, maddə 904, N 11, maddə 994; 2006-cı il, N 2, maddələr 71, 72, 75, N 5, maddə 390, N 12, maddələr 1008, 1020, 1028; 2007-ci il, N 2, maddə 68, N 5, maddə 398, N 6, maddələr 560, 562, 579, N 8, maddə 757,

N 10, maddələr 937, 941, N 11, maddələr 1049, 1080, 1090, N 12, maddə 1221; 2008-ci il, N 6, maddələr 454, 461; Azərbaycan Respublikasının 2008-ci il 13 iyun tarixli 648-IIIQD nömrəli Qanunu) aşağıdakı məzmunda 195-1-ci maddə əlavə edilsin:

"Maddə 195-1. Dövlət borcundan və ya dövlət zəmanəti ilə alınmış borcdan istifadə qaydalırını pozma

195-1.1. Əsas və təkrar borcalan tərəfindən dövlət borcalmaları və ya dövlət zəmanəti yolu ilə cəlb olunan vəsaitin istifadəsi və qaytarılması (istifadəçiyə şamil olunmur) haqqında məlumatların, öz bank hesablarının vəziyyəti haqqında məlumatların qanunvericiliklə müəyyən edilmiş qaydada vaxtında verilməməsi və ya təhrif olunmuş məlumatların verilməsi dövlətə xeyli miqdarda ziyan vurduqda -

üç min beş yüz manatdan beş min beş yüz manatadək cərimə və ya iki ilədək müddətə azadlığın məhdudlaşdırılması və ya altı ayadək müddətə azadlıqdan məhrumetmə ilə cəzalandırılır.

195-1.2. Dövlət borcalmaları və ya dövlət zəmanəti verilmiş öhdəlik üzrə cəlb olunmuş vəsaitdən təyinatı üzrə istifadə edilməməsi dövlətə xeyli miqdarda ziyan vurduqda -

üç il müddətinə müəyyən vəzifə tutma və müəyyən fəaliyyətlə məşğul olma hüququndan məhrum edilməklə, iki ildən üç ilədək azadlığın məhdudlaşdırılması və ya bir ildən iki ilədək müddətə azadlıqdan məhrumetmə ilə cəzalandırılır.

195-1.3. Bu Məcəllənin 195-1.1-ci və 195-1.2-ci maddələrində nəzərdə tutulmuş əməllər dövlətə külli miqdarda ziyan vurduqda -

üç il müddətinə müəyyən vəzifə tutma və müəyyən fəaliyyətlə məşğul olma hüququndan məhrum edilməklə, iki ildən üç ilədək müddətə azadlıqdan məhrumetmə ilə cəzalandırılır.".

III. Azərbaycan Respublikasının İnzibati Xətalar Məcəlləsinə (Azərbaycan Respublikasının Qanunvericilik Toplusu, 2000-ci il, N 8, I kitab, maddə 584; 2001-ci il, N 1, maddə 24, N 3, maddə 139, N 7, maddə 455, N 11, maddələr 680, 698, N 12, maddə 731; 2002-ci il, N 1, maddə 9, N 4, I kitab, maddə 165, N 5, maddələr 234, 237, 239, N 6, maddə 326, N 8, maddə 463, N 12, maddə 692; 2003-cü il, N 1, maddələr 3, 13, 23, N 4, maddələr 177, 178, N 5, maddə 228,

N 6, maddələr 257, 276, 279, N 8, maddələr 407, 425, N 12, I kitab, maddələr 676, 696, II kitab, maddələr 713, 714; 2004-cü il, N 1, maddələr 6, 7, 10, 13, N 4, maddələr 200, 201, 204, N 5, maddələr 313, 314, 317, 321, N 6, maddə 397, N 8, maddələr 596, 597, N 10, maddələr 762, 779, N 11, maddə 900, N 12, maddə 973; 2005-ci il, N 1, maddələr 5, 6, N 2, maddə 61,

N 4, maddələr 272, 273, 275, 278, N 6, maddələr 462, 466, N 7, maddə 576, N 8, maddələr 691, 692, N 10, maddələr 875, 877, 904, N 11, maddələr 993, 994, 995, N 12, maddələr 1083, 1085; 2006-cı il, N 2, maddələr 64, 68, N 3, maddələr 219, 220, 223, 225, N 5, maddə 385, N 6, maddə 478, N 11, maddələr 923, 924, 932, N 12, maddələr 1005, 1020, 1024; 2007-ci il, N 1 maddələr 3, 4, N 2, maddələr 65, 68, N 5, maddələr 397, 398, 401, 440; N 6, maddələr 560, 561, 562, 579, N 8, maddə 757, N 10, maddələr 935, 936, 938, 940; N 11, maddələr 1048, 1049, 1053, 1070, 1077, 1080, 1089, 1091; N 12, maddələr 1195, 1211, 1217, 1218; 2008-ci il, N 2, maddə 47, N 3, maddələr 146, 152, 159, N 4, maddə 249; N 5, maddə 340, N 6, maddələr 454, 460, 461, 464; Azərbaycan Respublikasının 2008-ci il 13 iyun tarixli 647-IIIQD , 648-IIIQD nömrəli, 24 iyun tarixli 655-IIIQD, 658-IIIQD nömrəli, 2 oktyabr tarixli 692-IIIQD nömrəli qanunları) aşağıdakı əlavələr edilsin:

1. Aşağıdakı məzmunda 204-2-ci maddə əlavə edilsin:

"Maddə 204-2. Dövlət borcundan və ya dövlət zəmanəti ilə alınmış borcdan istifadə qaydalarını pozma

204-2.1. Əsas və təkrar borcalan tərəfindən dövlət borcalmaları və ya dövlət zəmanəti yolu ilə cəlb olunan vəsaitin istifadəsi və qaytarılması (istifadəçiyə şamil olunmur) haqqında məlumatların, öz bank hesablarının vəziyyəti haqqında məlumatların və digər zəruri məlumatların vaxtında verilməməsi və ya təhrif olunmuş məlumatların verilməsi, dövlət borcalmaları və dövlət zəmanəti verilmiş öhdəlik üzrə cəlb olunmuş vəsaitdən təyinatı üzrə istifadə edilməməsi dövlətə az miqdarda ziyan vurduqda -

vəzifəli şəxslər üç yüz manatdan beş yüz manatadək, hüquqi şəxslər beş yüz manatdan yeddi yüz manatadək cərimə edilir.";

2. 199-cu maddənin Qeydində "200-204" rəqəmlərindən sonra ", 204-2" rəqəmləri əlavə edilsin.

IV. Azərbaycan Respublikasının Cinayət-Prosessual Məcəlləsinin (Azərbaycan Respublikasının Qanunvericilik Toplusu, 2000-ci il, N 8, II kitab, maddə 585; 2001-ci il, N 7, maddə 455; 2002-ci il, N 1, maddə 9, N 5, maddə 233, N 8, maddə 463; 2003-cü il,

N 6, maddə 276; 2004-cü il, N 5, maddə 321, N 7, maddə 505, N 8, maddə 598, N 10, maddə 761, N 11, maddə 890; 2005-ci il, N 1, maddə 4, N 4, maddə 278, N 6, maddə 462, N 8, maddə 686, N 10, maddə 874, N 12, maddə 1079; 2006-cı il, N 1, maddə 3, N 2, maddə 64, N 5, maddə 390, N 10, maddə 847, N 11, maddə 929, N 12, maddə 1032; 2007-ci il, N 2, maddələr 65, 68, N 6, maddə 560, N 7, maddə 712, N 8, maddə 756, N 11, maddə 1049, N 12, maddə 1221; 2008-ci il, N 6, maddə 462; Azərbaycan Respublikasının 2008-ci il 24 iyun tarixli, 656-IIIQD və 657-IIIQD nömrəli qanunları) 215.3.1-ci maddəsinə "195" rəqəmindən sonra ",195-1" rəqəmləri əlavə edilsin.

V. "Büdcə sistemi haqqında" Azərbaycan Respublikasının Qanununa (Azərbaycan Respublikasının Qanunvericilik Toplusu, 2002-ci il, N 10, maddə 584; 2003-cü il, N 6, maddə 267; 2004-cü il, N 12, maddə 979; 2005-ci il, N 5, maddə 393, N 12, maddə 1083; 2006-cı il, N 2, maddə 67, N 3, maddə 225, N 12, maddə 1012; 2007-ci il, N 12, maddə 1202) aşağıdakı əlavələr və dəyişikliklər edilsin:

1. 1.1.21-ci maddə aşağıdakı redaksiyada verilsin:

"1.1.21. dövlət borcu - Azərbaycan Respublikasının adından bağlanılmış müqavilələrin öhdəlikləri üzrə ödənilməli olan borc;";

2. 16.1.13-cü maddə aşağıdakı redaksiyada verilsin:

"16.1.13. daxili və xarici dövlət borcunun, dövlət zəmanətinin, o cümlədən büdcə ili ərzində cəlb edilən və əvvəlki illərdə alınmış və növbəti büdcə ilinin sonunadək qaytarılması nəzərdə tutulan daxili və xarici dövlət borcunun yuxarı hədləri (limitləri);";

3. 19.2-ci maddənin birinci abzasında "dövlət təminatı ilə alınmış kreditlər" sözləri "dövlət zəmanəti ilə alınmış borclar" sözlərii əvəz edilsin;

4. 20.3-cü maddənin ikinci cümləsində "borclar və verilən dövlət təminatları, buraxılmış dövlət istiqrazları" sözləri "dövlət borcları, o cümlədən buraxılmış dövlət qiymətli kağızları və verilən dövlət zəmanətləri" sözləri ilə əvəz edilsin;

5. 24.2-ci maddədən ",kredit" sözü çıxarılsın;

6. 25.1-ci və 25.2-ci maddələr aşağıdakı redaksiyada verilsin:

"25.1. Dövlət borcalmaları ölkənin sosial-iqtisadi inkişafına yönəldilmiş proqramların həyata keçirilməsini təmin etmək, dövlət büdcəsinin kəsirini örtmək, dövlət investisiyalarını maliyyələşdirmək və Azərbaycan Respublikasının qanunvericiliyi ilə müəyyənləşdirilən digər məsələlərin həlli məqsədilə həyata keçirilir.

25.2. Dövlət borcu müvafiq icra hakimiyyəti orqanı tərəfindən idarə olunur.";

7. 25.4-cü maddənin birinci cümləsində "(əsas borc, faiz)" sözləri "(əsas məbləğ və faizlər)" sözləri ilə, ikinci cümləsində "Faizlər və borclar" sözləri "Əsas məbləğ və faizlər" sözləri ilə əvəz edilsin;

8 25.5-ci maddəyə aşağıdakı məzmunda ikinci cümlə əlavə edilsin:

"Dövlət borcunun yuxarı həddi (limiti) yalnız müvafiq il üçün dövlət büdcəsi haqqında Azərbaycan Respublikasının Qanununa dəyişikliklər edilməklə artırıla və ya azaldıla bilər.";

9. 25.6-cı maddədən "hər rüb" sözləri çıxarılsın və aşağıdakı məzmunda ikinci cümlə əlavə edilsin:

"Dövlət borcu və dövlət zəmanəti ilə bağlı proseslərin qanunvericiliklə müəyyən edilmiş qaydada şəffaflığı təmin edilir.".

VI. "Mühasibat uçotu haqqında" Azərbaycan Respublikası Qanununun (Azərbaycan Respublikasının Qanunvericilik Toplusu, 2004-cü il, maddə N 8, maddə 605) 12.2-ci maddəsində "dövlət (hökumət) zəmanəti" sözləri "dövlət zəmanəti" sözləri ilə əvəz edilsin.

VII. "Dövlət borcu haqqında" Azərbaycan Respublikası Qanununun qüvvəyə minməsi barədə" Azərbaycan Respublikası Milli Məclisinin 1992-ci il 29 dekabr tarixli 425 nömrəli Qərarı (Azərbaycan Respublikası Ali Sovetinin Məlumatı, 1992-ci il, N 24, maddə 1047) qüvvədən düşmüş hesab edilsin.

VIII. Bu qanun dərc edildiyi gündən qüvvəyə minir.

İlham ƏLİYEV,

Azərbaycan Respublikasının Prezidenti

Bakı şəhəri, 28 oktyabr 2008-ci il

Azərbaycan.-2008.-14 dekabr.-S.2.