Qazaxıstan Respublikasının Prezidenti zati-aliləri cənab Nursultan Nazarbayevə

Hörmətli Nursultan Abişeviç!

Milli bayram - Müstəqillik günü münasibətilə Sizi və Qazaxıstan xalqını Azərbaycan xalqı adından və şəxsən öz adımdan səmimi qəlbdən təbrik edirəm.

Əminəm ki, birgə səylərimiz bundan sonra da Azərbaycan-Qazaxıstan dövlətlərarası münasibətlərin davamlı inkişafına, xalqlarımızın və ölkələrimizin rifahı, regionda sülh, təhlükəsizlik və sabitlik naminə çoxplanlı əməkdaşlığın möhkəmləndirilməsinə və genişləndirilməsinə yönəldiləcəkdir.

Hörmətli Nursultan Abişeviç, Sizə möhkəm cansağlığı, xoşbəxtlik və uğurlar, dost Qazaxıstan xalqına sülh və tərəqqi arzulayıram.

Hörmətlə,

İlham ƏLİYEV,

Azərbaycan Respublikasının Prezidenti

Bakı, 1 dekabr 2008-ci il

Azərbaycan.-2008.-16 dekabr.-S.1.