Mətbuat Şurası idarə heyətinin iclası keçirilmişdir

AzərTAc xəbər verir ki, dekabrın 26-da Mətbuat Şurasının idarə heyətinin cari il üçün sonuncu iclası keçirilmişdir.

İclasda Mətbuat Şurasının 2008-ci ildə gördüyü işlərə dair hesabat dinlənilmişdir.

Çıxışlarda şuranın hesabat dövründəki fəaliyyətinin müsbət dəyərləndirilməsi üçün ciddi əsasların olduğu vurğulanmışdır. Bildirilmişdir ki, hesabat dövründə idarə heyətinin, komissiyaların iclasları iş planına uyğun keçirilmiş, rəylər, qərarlar qəbul olunmuşdur.

İclasda daha 6 KİV-in Mətbuat Şurası sıralarına qəbulu barədə qərarlar çıxarılmışdır. Bundan əlavə, şuranın şikayətlər üzrə komissiyasının təqdim etdiyi 8 rəy əsasında qərarlar qəbul edilmişdir.

Sonda Mətbuat Şurasının 2009-cu il üçün iş planı ətrafında müzakirələr aparılmışdır. Qərara alınmışdır ki, bununla bağlı təkliflər gələn ilin ilk ongünlüyünə qədər ümumiləşdirilərək həmin sənədə daxil edilsin.

Azərbaycan.-2008.-27 dekabr.-S.4.