“Azərbaycan
Respublikasının bəzi
qanunvericilik aktlarına
əlavələr və
dəyişikliklər edilməsi
haqqında” Azərbaycan
Respublikasının 2009-cu il
30 iyun tarixli 842-IIIQD nömrəli Qanununun tətbiqi ilə əlaqədar Azərbaycan
Respublikası Prezidentinin
bəzi fərmanlarına
dəyişikliklər və
əlavələr edilməsi barədə
“Azərbaycan
Respublikasının bəzi qanunvericilik aktlarına əlavələr
və dəyişikliklər edilməsi haqqında” Azərbaycan
Respublikasının 2009-cu il 30 iyun tarixli 842-IIIQD nömrəli
Qanununun icrasını təmin etmək məqsədi ilə qərara
alıram:
1. “Qeyri-hökumət təşkilatları
(ictimai birliklər və fondlar) haqqında” Azərbaycan
Respublikası Qanununun tətbiq edilməsi barədə” Azərbaycan
Respublikası Prezidentinin 2000-ci il 4 oktyabr tarixli 401 nömrəli
Fərmanının (Azərbaycan Respublikasının
Qanunvericilik Toplusu, 2000-ci il, ¹10, maddə 716) 2-ci bəndi
aşağıdakı redaksiyada verilsin:
“2. Müəyyən
edilsin ki:
2.1. “Qeyri-hökumət
təşkilatları (ictimai birliklər və fondlar)
haqqında” Azərbaycan Respublikası Qanununun 29.4-cü maddəsinin
ikinci cümləsində nəzərdə tutulmuş
“müvafiq icra hakimiyyəti orqanı”nın səlahiyyətlərini
Azərbaycan Respublikasının Nazirlər Kabineti həyata
keçirir;
2.2. həmin Qanunun
3.3-cü maddəsində, 7.1-ci maddəsinin
üçüncü cümləsində, 14.3-cü, 15.1-ci,
15.2-ci, 16.1-ci, 19.3-cü, 19.4-cü, 19.5-ci, 31.2-ci və 32-ci
maddələrində nəzərdə tutulmuş “müvafiq
icra hakimiyyəti orqanı”nın səlahiyyətlərini,
habelə 12.3-cü maddəsində nəzərdə
tutulmuş sazişin hazırlanması üçün
danışıqların aparılması səlahiyyətini
Azərbaycan Respublikasının Ədliyyə Nazirliyi həyata
keçirir;
2.3. həmin Qanunun
29.4-cü və 31.6-cı maddələrinin birinci cümlələrində
nəzərdə tutulmuş “müvafiq icra hakimiyyəti
orqanı”nın səlahiyyətlərini Azərbaycan
Respublikasının Maliyyə Nazirliyi həyata keçirir.”.
2. “Azərbaycan
Respublikasının bəzi qanunvericilik aktlarına dəyişikliklər
və əlavələr edilməsi barədə” Azərbaycan
Respublikası Qanununun tətbiq edilməsi haqqında” Azərbaycan
Respublikası Prezidentinin 2003-cü il 2 yanvar tarixli 834 nömrəli
Fərmanının (Azərbaycan Respublikasının
Qanunvericilik Toplusu, 2003-cü il, ¹1, maddə 26; 2006-cı il,
¹7, maddə 590; 2008-ci il, ¹3, maddə 174) 3-cü bəndinin
ikinci cümləsi aşağıdakı redaksiyada verilsin:
“Qeydə alınmayan
qrant verilməsi və ya alınması haqqında müqavilələr
(qərarlar) üzrə əməliyyatlar keçirilə bilməz.”.
3. Azərbaycan
Respublikası Prezidentinin 2004-cü il 12 fevral tarixli 27 nömrəli
Fərmanı (Azərbaycan Respublikasının Qanunvericilik
Toplusu, 2004-cü il, ¹2, maddə 65) ilə təsdiq edilmiş
“Qrant alınmasına (verilməsinə) dair müqavilələrin
(qərarların) qeydiyyata alınması Qaydaları”nın
1.4-cü bəndi aşağıdakı redaksiyada verilsin:
“Qeydə alınmayan
qrant verilməsi və ya alınması haqqında müqavilələr
(qərarlar) üzrə əməliyyatlar keçirilə bilməz.”.
4. Azərbaycan
Respublikası Prezidentinin 2006-cı il 18 aprel tarixli 391 nömrəli
Fərmanı (Azərbaycan Respublikasının Qanunvericilik
Toplusu, 2006-cı il, ¹4, maddə 323, ¹12, maddə 1034; 2007-ci il,
¹11, maddə 1105, ¹12, maddə 1246; 2009-cu il, ¹7, maddə 533; ¹8,
maddə 627; Azərbaycan Respublikası Prezidentinin 2009-cu il 1
oktyabr tarixli 160 nömrəli Fərmanı) ilə təsdiq
edilmiş “Azərbaycan Respublikasının Ədliyyə
Nazirliyi haqqında Əsasnamə”yə
aşağıdakı məzmunda 9.11-1-ci bənd əlavə
edilsin:
“9.11-1. qanunvericilikdə
nəzərdə tutulmuş qaydada xarici dövlətlərin
qeyri-hökumət təşkilatlarının filial və ya
nümayəndəliklərinin dövlət qeydiyyatı ilə
bağlı sazişin hazırlanması üçün
danışıqlar aparmaq;”.
5. Azərbaycan
Respublikası Prezidentinin 2007-ci il 13 dekabr tarixli 674 nömrəli
Fərmanı (Azərbaycan Respublikasının Qanunvericilik
Toplusu, 2007-ci il, ¹12, maddə 1224; 2009-cu il, ¹4, maddə 222) ilə
təsdiq edilmiş “Azərbaycan Respublikasının Prezidenti
yanında Qeyri-Hökumət Təşkilatlarına Dövlət
Dəstəyi Şurası haqqında Əsasnamə”yə
aşağıdakı məzmunda 2.4.7-1-ci bənd əlavə
edilsin:
“2.4.7-1. öz səlahiyyətləri
daxilində dövlət büdcəsi vəsaiti hesabına
verilmiş qrantın təyinatı üzrə istifadə
edilməsinə nəzarət edir;”.
6. Azərbaycan
Respublikası Prezidentinin 2009-cu il 3 aprel tarixli 75 nömrəli
Fərmanı (Azərbaycan Respublikasının Qanunvericilik
Toplusu, 2009-cu il, ¹4, maddə 220) ilə təsdiq edilmiş “Azərbaycan
Respublikasının Prezidenti yanında Kütləvi
İnformasiya Vasitələrinin İnkişafına Dövlət
Dəstəyi Fondu haqqında Nizamnamə”yə
aşağıdakı məzmunda 4.1.9-1-ci bənd əlavə
edilsin:
“4.1.9-1. öz səlahiyyətləri
daxilində dövlət büdcəsi vəsaiti hesabına
verilmiş qrantın təyinatı üzrə istifadə
edilməsinə nəzarət edir;”.
İlham Əliyev,
Azərbaycan Respublikasının
Prezidenti
Bakı şəhəri,
21 dekabr 2009-cu il.
Azərbaycan.- 2009.- 25 dekabr.- S.4