Daşaltı çayının qəm nəğməsi

Onda hələ Daşaltı çayı qana boyanmamışdı. Göz yaşı kimi dumduru axan çay xoş günlərinin nəğməsini oxuyar, qonaqlı-qaralı günlərini yaşardı. Onda hələ Şuşa hər bir azərbaycanlının istirahət məkanı idi. Bu şəkil isə Daşaltı çayından bir xatirədir. Yayın qorabişirən çağında bulaqlardan süzülüb gələn, diş göynədən sudan insanlar bir sərinlik tapardılar. Yəqin ki, bir vaxtlar bura gələn insanlara desəydilər ki, gün gələcək Daşaltının suları bulanacaq, qırmızı rəngə boyanacaq, ona qətiyyən inanmazdılar. Amma zaman onu inanmağa məcbur etdi.

1991-ci ilin 26 yanvar günü xalqımız ağır, faciəvi bir tarix yaşadı. Buna biabırçı Daşaltı əməliyyatı da deyirlər. Azərbaycanın ən sayseçmə oğulları iştirak edirdi o əməliyyatda. Ona görə biabırçı əməliyyat adlanır ki, xəyanətkar rəhbərlər igidlərimizi düşmənin tələsinə saldılar. Neçə-neçə könüllü əsgərimiz yağı düşmənin gülləsinə tuş gəldi. Analar var ki, hələ də Daşaltı döyüşündə itkin düşən oğlunun yolunu gözləyir.

17 ildir Daşaltı çayı uğrunda can verən şəhidlərimizə qəmli bir bayatı oxuyur.

Zəkurə Quliyeva

Azərbaycan.-2009.-3 fevral.-S.8.