Azərbaycan ilə ABŞ arasında ikitərəfli əməkdaşlıq planı uğurla icra olunur

Azərbaycan Müdafiə Nazirliyinin mətbuat xidmətindən bildirmişlər ki, ölkəmizlə ABŞ arasında imzalanmış ikitərəfli əməkdaşlıq planına uyğun olaraq fevralın 16-dan 27-dək Bakıda "Rabitə operatorları" təlim kursu, fevralın 9-dan 13-dək "Briqada komandanlığı və döyüş qərargahının əməliyyat təlimləri" mövzusunda seminar, fevralın 16-dan 20-dək Strateji Müdafiə İcmalı (SMİ) üzrə işçi qrupunun növbəti iclası, fevralın 4-dən sentyabrın 23-dək San-Antonio şəhərində Maddi-texniki təminat zabiti kursu, fevralın 11-dən iyulun 29-dək Rabitə zabitinin təməl kursu, 2009-cu il fevralın 11-dən 2010-cu il iyunun 18-dək Hərbi Dəniz Qüvvələri Komanda və Qərargah Akademiyasında təlimlər, fevralın 2-dən 5-dək Münhen şəhərində (Almaniya) "Təhlükəsizlik məsələləri və onların həlli" mövzusunda simpozium, fevralın 16-dan 20-dək Ştutqart şəhərində (Almaniya) Azərbaycan-ABŞ ikitərəfli əməkdaşlığına dair işgüzar görüş, fevralın 3-dən 5-dək Manama şəhərində (Bəhreyn Krallığı) "Dəniz infrastrukturunun mühafizəsi" mövzusunda simpozium keçiriləcəkdir.

Tədbirlərdə Azərbaycan hərbiçiləri də iştirak edəcəklər.

AzərTAc

Azərbaycan.-2009.-4 fevral.-S.2.