Londonun "Stansted" hava limanında qarşılanma

Xüsusi müxbirimiz xəbər verir ki, Azərbaycan Prezidenti İlham Əliyev iyulun 12-də Böyük Britaniya və Şimali İrlandiya Birləşmiş Krallığına rəsmi səfərə gəlmişdir.

Londonun "Stansted" hava limanında Azərbaycan Prezidentinin şərəfinə fəxri qarovul dəstəsi düzülmüşdü.

Prezident İlham Əliyevi və xanımı Mehriban Əliyevanı Böyük Britaniyanın yüksək vəzifəli dövlət və hökumət nümayəndələri böyük hörmət və ehtiramla qarşıladılar.

Azərbaycan Prezidentinin xanımına gül dəstələri təqdim edildi.

Dövlətimizin başçısı fəxri qarovul dəstəsinin qarşısından keçdi.

Prezident İlham Əliyev hava limanından onun üçün ayrılmış iqamətgaha yola düşdü.

AzərTAc

Azərbaycan.- 2009.- 14 iyul.- S. 1.