Kiyevdə MDB PA Şurasının iclası və Beynəlxalq parlament konfransı başlanmışdır

İyulun 13-də Kiyevdə MDB Parlamentlərarası Assambleyası Şurasının iclası və Avropada təhlükəsizlik məsələlərinə dair Beynəlxalq parlament konfransı başlanmışdır.

Ukrayna Ali Radasında keçirilən toplantılarda Avropada təhlükəsizlik, gələcək inkişaf, hüquqi bazanın təkmilləşdirilməsi və digər məsələlər müzakirə olunur.

Bu tədbirlərdə Azərbaycanı Milli Məclisin Regional məsələlər komitəsinin sədri Arif Rəhimzadə, Hüquq siyasəti və dövlət quruculuğu komitəsinin sədri Əli Hüseynov və Milli Məclis sədrinin köməkçisi - MDB PA-da Milli Məclisin daimi nümayəndəsi Aydın Cəfərov təmsil edirlər.

Deputatlarımız Beynəlxalq parlament konfransında və MDB PA Şurasının iclasında müzakirəyə çıxarılan məsələlərə Azərbaycanın milli maraqları mövqeyindən münasibətlərini bildirəcəklər.

AzərTAc

Azərbaycan.- 2009.- 14 iyul.- S. 15.