London Sitinin meri Azərbaycana səfərinin yekunlarına dair mətbuat konfransı keçirmişdir

İyulun 21-də London şəhərinin meri Aldemar Yan Luder Azərbaycana səfərinin yekunlarına dair mətbuat konfransı keçirmişdir.

A.Yan Luder səfərini Azərbaycan və Birləşmiş Krallıq arasında əlaqələrin daha da möhkəmlənməsi yolunda növbəti addım adlandırmışdır. Səfər çərçivəsində Azərbaycan Prezidenti İlham Əliyev ilə, habelə maliyyə, rabitə və informasiya nazirliklərində, Qiymətli Kağızlar üzrə Dövlət Komitəsində, Mərkəzi Bankda və digər qurumlarda görüşlər keçirdiyini deyən qonaq ölkəmizdə gedən inkişaf prosesləri ilə yaxından tanış olduğunu, Azərbaycanla Böyük Britaniya arasında əlaqələrin daha da genişləndirilməsi üçün imkanların öyrənilməsi baxımından əhəmiyyətli addımlar atıldığını bildirmişdir. Onun sözlərinə görə, görüşlərdə ölkələrimizin iqtisadi əməkdaşlığı, bank sistemləri arasında əlaqələrin vəziyyəti və perspektivləri də müzakirə edilmişdir.

Ölkəsinin Azərbaycanın strateji tərəfdaşlarından biri olduğunu vurğulayan London meri bu tərəfdaşlığın təkcə enerji sahəsində deyil, bütün digər sahələrdə də əhəmiyyətli rol oynadığını söyləmişdir.

AzərTAc

Azərbaycan.- 2009.- 22 iyul.- S. 4.