"Azərbaycan Respublikası və Rusiya Federasiyası arasında 2009-cu il iyunun 29-da Bakı şəhərində imzalanmış sənədlər haqqında

Azərbaycan Respublikası Prezidentinin Sərəncamı

1.1. Azərbaycan Respublikası hökuməti və Kabardin-Balkar Respublikası hökuməti (Rusiya Federasiyası) arasında ticarət-iqtisadi, elmi-texniki və mədəni əməkdaşlıq haqqında Saziş;

1.2. Azərbaycan Respublikasının Rusiya Federasiyasında və Rusiya Federasiyasının Azərbaycan Respublikasındakı diplomatik nümayəndəliklərinin yerləşdirilməsi və xidmət göstərilməsi şərtləri haqqında Azərbaycan Respublikası hökuməti və Rusiya Federasiyası hökuməti arasında Sazişin hazırlanması haqqında Azərbaycan Respublikasının xarici işlər naziri və Rusiya Federasiyasının xarici işlər nazirinin Birgə Bəyannaməsi.

2. Azərbaycan Respublikasının Nazirlər Kabinetinə tapşırılsın ki, bu sərəncamın 1.1-1.2-ci bəndlərində göstərilən sənədlərin həyata keçirilməsi üçün zəruri tədbirlər görsün.

3. Azərbaycan Respublikasının Xarici İşlər Nazirliyinə tapşırılsın ki, bu sərəncamın 1.1-ci bəndində göstərilən Sazişin qüvvəyə minməsi üçün zəruri olan dövlətdaxili prosedurların yerinə yetirilməsi barədə Rusiya Federasiyası hökumətini xəbərdar etsin.

İlham ƏLİYEV,

Azərbaycan Respublikasının Prezidenti

Bakı şəhəri, 22 iyul 2009-cu il

Azərbaycan.- 2009.- 23 iyul.- S. 1.