Böyük Britaniya və Şimali İrlandiyanın kraliçası ülyahəzrət II Elizabetə

Ülyahəzrət!

Böyük Britaniya və Şimali İrlandiya Birləşmiş Krallığının milli bayramı - Təvəllüd gününüz münasibətilə Sizi və Sizin simanızda bütün xalqınızı şəxsən öz adımdan və Azərbaycan xalqı adından səmimi-qəlbdən təbrik edirəm.

Biz Azərbaycan ilə Birləşmiş Krallıq arasındakı münasibətlərə böyük əhəmiyyət veririk.

Bu mənada ikitərəfli əlaqələrimizin daim genişlənməsi, bir sıra sahələrdə həyata keçirdiyimiz qarşılıqlı faydalı əməkdaşlıq zəminində dostluq münasibətlərimizin möhkəmlənməsi xüsusi məmnunluq doğurur. Əminəm ki, çoxşaxəli təmaslarımızı, birgə işlərimizi müvəffəqiyyətlə davam etdirmək üçün bundan sonra da ardıcıl səylər göstərəcəyik.

Bu xoş gündə Sizə möhkəm cansağlığı, işlərinizdə uğurlar, Birləşmiş Krallığın dost xalqına sülh və rifah arzulayıram.

Hörmətlə,

İlham ƏLİYEV,

Azərbaycan Respublikasının Prezidenti

Bakı, 3 iyun 2009-cu il

Azərbaycan.- 2009.- 13 iyun.- S. 1.