Ombudsmanların beynəlxalq konfransında Bakı bəyannaməsi qəbul edilmişdir

İyunun 19-da Avropa Şurasının 60 illiyi və Azərbaycanda İnsan hüquqları günü münasibətilə ombudsmanların "Bioetika, insan hüquqları və yeni texnologiyalar: reproduktiv sağlamlığın və ailə planlaşmasının hüquqi və etik aspektləri" mövzusunda VII Bakı beynəlxalq konfransı başa çatmışdır. Konfransda Bakı bəyannaməsi qəbul edilmişdir.

Bəyannamədə insan hüquqlarının səmərəli müdafiəsi məqsədilə parlament və digər müvafiq qurumlarla, o cümlədən qeyri-hökumət təşkilatları ilə əməkdaşlığın inkişaf etdirilməsi, universal və regional beynəlxalq təşkilatlarla, həmçinin milli insan hüquqları təsisatları ilə birgə layihələrin həyata keçirilməsi, əhalinin müxtəlif kateqoriyalarının, xüsusilə zəif qrupların hüquqlarının müdafiəsi, insan hüquqları sahəsində təhsilin inkişaf etdirilməsi, ana və uşaq ölümünün qarşısının alınması, gender bərabərliyinin təmin olunması, insan alveri, korrupsiya və digər bu kimi problemlərin həlli məsələləri əks olunmuşdur.

AzərTAc

Azərbaycan.- 2009.- 20 iyun.- S. 2.