Azərbaycan
Respublikasının Prezidenti İlham Əliyev iyunun 25-də Dənizkənarı
Milli Parka gələrək, burada həyata keçirilən
abadlıq və yenidənqurma işləri ilə
tanış olmuşdur.
1909-cu ildən Bakıda
dənizkənarı bulvar kimi tanınan bu parkda da 1970-ci illərdə
xalqımızın ümummilli lideri Heydər Əliyevin rəhbərliyi
ilə paytaxtda yaşıllaşdırma və
abadlaşdırma tədbirləri vüsət alanda geniş
quruculuq tədbirləri həyata keçirilmişdir. Bakı
şəhəri sakinlərinin, eləcə də
paytaxtımıza gələn qonaqların ən çox
sevdiyi istirahət guşələrindən biri olan dənizkənarı
bulvara 1998-ci il dekabrın 29-da Prezident Heydər Əliyevin Sərəncamı
ilə Milli Park statusu verilmişdir.
Azərbaycan Prezidenti
İlham Əliyev dənizkənarı bulvarın
xalqımızın tarixi, mədəniyyəti və ekoloji təhlükəsizliyi
üçün əhəmiyyətini nəzərə alaraq
2008-ci il yanvarın 10-da Nazirlər Kabineti yanında Dənizkənarı
Bulvar İdarəsinin yaradılması haqqında Fərman
imzalamışdır.
Həmin Fərmana və
Azərbaycan Prezidenti İlham Əliyevin Bakı şəhərində
parkların və xiyabanların yenidən qurulması ilə
bağlı tapşırıqlarına uyğun olaraq Dənizkənarı
Milli Parkın da əsaslı şəkildə
abadlaşdırılmasına başlanılmışdır.
Dövlətimizin başçısı və xanımı
Mehriban Əliyeva parkda həyata keçirilən abadlıq və
yenidənqurma işlərinin gedişi ilə tanış
olmaq üçün buraya gəldilər.
Prezident İlham Əliyevə
görülən işlərlə bağlı məlumat
verildi. Qeyd olundu ki, 3 kilometr 700 metr uzunluğu olan Dənizkənarı
Milli Parkın ərazisi həyata keçiriləcək yeni tədbirlər
planından sonra 25 kilometrə qədər uzanacaqdır. Görülən
abadlıq işlərindən sonra parkın
yaşıllıq zolağının ərazisi də xeyli
genişləndiriləcəkdir. Ötən dövr ərzində
parkda yüksək standartlara uyğun şəkildə
abadlıq işlərinin həyata keçirildiyi bildirildi.
Dövlətimizin
başçısı və xanımı burada inşa edilən
qoşa fəvvarələrə baxdılar, əhaliyə
iaşə xidməti göstərəcək obyektlərlə
maraqlandılar, əsaslı təmir və yenidənqurma
işlərindən sonra istifadəyə verilmiş "Mirvari"
kafesi ilə tanış oldular. Prezident və xanımı
kafenin təmirdən əvvəlki vəziyyətini əks
etdirən fotoalboma baxdılar. Təmir və yenidənqurmadan
sonra burada əhalinin istirahəti üçün hər
cür şəraitin yaradıldığı qeyd edildi.
Azərbaycan Prezidenti və
xanımı estakadada həyata keçirilən yenidənqurma
işləri ilə də maraqlandılar. Dənizkənarı
Milli Park boyu sahilbərkitmə işləri ilə
tanış olan dövlətimizin başçısı
görülən işlərin yüksək keyfiyyətlə
aparılması ilə bağlı müvafiq
tapşırıq və tövsiyələrini verdi.
AzərTAc
Azərbaycan.- 2009.- 26 iyun.- S. 2.
