Gürcüstanın diasporla iş üzrə dövlət naziri ümummilli lider Heydər Əliyevin məzarını və Şəhidlər xiyabanını
ziyarət etmişdir
Ölkəmizdə səfərdə
olan Gürcüstanın
diasporla iş üzrə dövlət naziri Yulon Qoqoşidze
martın 5-də Fəxri
xiyabana gələrək
müstəqil Azərbaycan
dövlətinin qurucusu,
ümummilli lider Heydər Əliyevin əziz xatirəsini ehtiramla anmış, məzarı önünə əklil qoymuşdur.
O, görkəmli
oftalmoloq alim, akademik Zərifə xanım Əliyevanın məzarı önünə
də gül çələngi qoymuşdur.
Sonra qonaq Şəhidlər xiyabanına gedərək
Azərbaycanın müstəqilliyi
və ərazi bütövlüyü uğrunda
canlarından keçmiş
qəhrəman vətən
övladlarının xatirəsini
anmış, məzarları
üzərinə tər
qərənfillər düzmüş,
"Əbədi məşəl"
abidəsinin önünə
əklil qoymuşdur.
Gürcüstanın dövlət naziri Bakının ən yüksək nöqtəsindən
paytaxtın mənzərəsini
seyr etmişdir.
AzərTAc
Azərbaycan.-2009.-6 mart.-S.5.