Bolqarıstanın səfiri etimadnaməsinin surətini Azərbaycanın Xarici İşlər Nazirliyinə təqdim etmişdir

Azərbaycanın Xarici İşlər Nazirliyinin mətbuat xidmətindən bildirmişlər ki, martın 13-də nazir Elmar Məmmədyarov Bolqarıstanın ölkəmizdə yeni təyin olunmuş səfiri Vasil Kalinov ilə görüşmüşdür.

Etimadnaməsinin surətini nazirə təqdim edən səfir yeni təyinatından məmnun olduğunu və fəaliyyəti dövründə Azərbaycan ilə Bolqarıstan arasında münasibətlərin daha da inkişaf etməsinə və genişlənməsinə xidmət edəcəyini bildirmişdir.

Nazir E.Məmmədyarov V.Kalinovu Azərbaycanda səfir təyin olunması münasibətilə təbrik etmiş və ölkələrimiz arasında əlaqələrin yüksək səviyyəsindən məmnunluğunu bildirmişdir.

Görüşdə Azərbaycan ilə Bolqarıstan arasında ikitərəfli münasibətlər və digər məsələlər ətrafında fikir mübadiləsi aparılmışdır.

AzərTAc

Azərbaycan.-2009.-14 mart.-S.7.