Azərbaycan Prezidenti İlham Əliyev Fransa Senatının keçmiş sədri, senator Kristian Ponsöleni qəbul etmişdir

Azərbaycan Respublikasının Prezidenti İlham Əliyev martın 16-da Fransa Senatının keçmiş sədri, senator Kristian Ponsöleni qəbul etmişdir.

Senator Kristian Ponsöle ölkəmizə səfərindən məmnunluğunu bildirdi, ulu öndər Heydər Əliyevlə görüşlərini böyük ehtiramla xatırladı. O, Azərbaycanda gedən böyük inkişaf proseslərinin şahidi olduğunu və bunun onda xoş təəssürat yaratdığını bildirdi.

Prezident İlham Əliyev Kristian Ponsölenin Azərbaycanla Fransa arasında dostluq münasibətlərinin möhkəmlənməsindəki rolunu xüsusi vurğuladı və onun ölkəmizlə əlaqələrinin bundan sonra da davam etdirəcəyinə əminliyini söylədi.

AzərTAc

Azərbaycan.-2009.-17 mart.-S.2.