Fransa Senatının sabiq sədri, senator Kristian Ponsöle ümummilli lider Heydər Əliyevin məzarını və Şəhidlər xiyabanını ziyarət etmişdir

Azərbaycanda səfərdə olan Fransa Senatının sabiq sədri, senator Kristian Ponsöle martın 16-da Fəxri xiyabana gələrək ümummilli lider Heydər Əliyevin xatirəsini ehtiramla yad etmiş, məzarı önünə gül qoymuşdur.

Qonaq görkəmli oftalmoloq alim, akademik Zərifə xanım Əliyevanın məzarı üstünə də tər güllər düzmüşdür.

* * *

Sonra Şəhidlər xiyabanına gələn senator Kristian Ponsöle "Əbədi məşəl" abidəsinin önünə güllər qoymuş, Azərbaycanın azadlığı və suverenliyi uğrunda şəhid olmuş qəhrəman Vətən oğullarının xatirəsini yad etmişdir.

Qonağa Azərbaycan xalqının müstəqillik mübarizəsinin tarixi, Şəhidlər xiyabanı barədə ətraflı məlumat verildi.

Azərbaycan.-2009.-17 mart.-S.9.