Banqladeş Xalq Respublikasının Prezidenti zati-aliləri cənab Zillur Rəhmana

Hörmətli cənab Prezident!

Milli bayramınız - Müstəqillik günü münasibətilə Sizi və bütün xalqınızı səmimi-qəlbdən təbrik edirəm.

Ümidvaram ki, Azərbaycan ilə Banqladeş arasındakı dostluq və əməkdaşlıq münasibətləri xalqlarımızın mənafelərinə uyğun olaraq daim inkişaf edəcək və genişlənəcəkdir.

Bu əlamətdar gündə Sizə ən xoş arzularımı yetirir, dost Banqladeş xalqına əmin-amanlıq və rifah diləyirəm.

Hörmətlə,

İlham Əliyev,

Azərbaycan Respublikasının Prezidenti

Bakı, 12 mart 2009-cu il

Azərbaycan.-2009.-30 mart.-S.1.