Polşa Respublikasının Prezidenti zati-aliləri cənab Lex Kaçinskiyə

Hörmətli cənab Prezident!

Polşa Respublikasının milli bayramı - Konstitusiya Günü münasibətilə Sizi və bütün xalqınızı öz adımdan və Azərbaycan xalqı adından ürəkdən təbrik edirəm.

Biz Azərbaycan-Polşa münasibətlərinə böyük əhəmiyyət veririk. Bu mənada siyasi, iqtisadi və humanitar sahələrdə əlaqələrimizin hazırkı yüksək səviyyəsi məmnunluq doğurur. Beynəlxalq və regional qurumlarda, eləcə də enerji layihələri çərçivəsində səmərəli əməkdaşlığımız da ikitərəfli münasibətlərimizin inkişaf dinamikasına birbaşa təsir göstərən amillərdəndir.

Ümidvaram ki, Azərbaycan ilə Polşa arasındakı dostluq ənənələrinin qorunub saxlanması və möhkəmləndirilməsi, əməkdaşlığımızın əhatə dairəsinin daha da genişləndirilməsi istiqamətində qarşılıqlı səylərimizi bundan sonra da ardıcıl şəkildə davam etdirəcəyik.

Belə bir əlamətdar gündə Sizə möhkəm cansağlığı, işlərinizdə uğurlar, dost Polşa xalqına sülh və rifah arzulayıram.

Hörmətlə,

İlham Əliyev,

Azərbaycan Respublikasının Prezidenti

Bakı, 22 aprel 2009-cu il

Azərbaycan.-2009.-3 may.-S.1.