Prezident İlham
Əliyev paytaxtın
"Sahil" bağında
aparılmış əsaslı
təmir və yenidənqurma işləri
ilə tanış olmuşdur
Azərbaycan Prezidenti İlham Əliyev mayın 10-da paytaxtın Səbail rayonundakı
"Sahil" bağında
aparılmış əsaslı
təmir və yenidənqurma işləri
ilə
Dövlətimizin başçısı və xanımı Mehriban Əliyeva qızları Leyla və Arzu ilə birlikdə parkı gəzdilər.
Bakı Şəhər İcra Hakimiyyətinin başçısı Hacıbala Abutalıbov bağda aparılmış əsaslı təmir və yenidənqurma işləri barədə məlumat verdi.
Bildirildi ki, "Sahil" bağı da dövlət başçısının paytaxtda parkların və xiyabanların əsaslı təmiri və yenidən qurulması ilə bağlı tapşırıqlarına əsasən abadlaşdırılmışdır. Ərazisi 22 min kvadratmetr olan bu istirahət guşəsində qısa müddətdə görülmüş işlər buranın görkəmini tamamilə dəyişmişdir. Bağda kompüterlə idarə olunan 3 yeni fəvvarədən ibarət kompleks yaradılmışdır. Fəvvarə kompleksi italiyalı mütəxəssislər tərəfindən quraşdırılmışdır.
Bağın 12 min kvadratmetr ərazisinin asfalt örtüyü ləğv edilmiş, onun yerinə Braziliya, İsveç, Çin və İtaliyadan gətirilən qranit-mərmər döşənmişdir. Burada, həmçinin müxtəlif hava şəraitinə davamlı materialdan hazırlanmış oturacaqlar qoyulmuş, Hollandiyadan gətirilmiş müxtəlif ağaclar və gül kolları əkilmiş, çəmənlik salınmışdır. İşıqlandırma sistemində İtaliya istehsalı olan yüksək keyfiyyətli avadanlıqdan istifadə edilmişdir.
Dövlətimizin başçısı bağda ailə üzvləri ilə birgə xatirə şəkli çəkdirdi.
Prezident İlham Əliyev görülmüş işlərdən razılığını bildirdi, əlavə tövsiyə və tapşırıqlarını verdi.
AzərTAc
Azərbaycan.-2009.-13 may.-S.3.