Azərbaycan Respublikasının Prezidenti zati-aliləri cənab İlham Əliyevə

İcazə verin, Azərbaycan Respublikasının Prezidenti vəzifəsinə yenidən seçilməyiniz münasibətilə Sizi şəxsən öz adımdan, Tunis hökuməti və bütün Tunis xalqı adından təbrik edim, Sizin ali vəzifənizin icrasında müvəffəqiyyətlər və uğurlar, möhkəm cansağlığı, bütün dost Azərbaycan xalqına əmin-amanlıq, tərəqqi və firavanlıq arzulayım.

Xalqlarımızın mənafeləri naminə ölkələrimiz arasında dostluğun möhkəmlənməsi üçün birgə əməkdaşlıq etmək əzmində olduğumuzu Sizə bildirmək mənə xüsusilə xoşdur.

Hörmətlə,

Zeynulabidin Ben ƏLİ,
Tunis Respublikasının Prezidenti

Azərbaycan.-2008.-7 noyabr.-S.4.