Azərbaycan Respublikasının Prezidenti zati-aliləri cənab İlham Əliyevə

Zati-aliləri!

Azərbaycan Prezidenti vəzifəsinə seçilməyiniz münasibətilə səmimi təbriklərimi qəbul edin. Azərbaycan xalqı ölkənin idarə olunmasını yenidən Sizə etibar etmişdir. Ümidvaram ki, Siz unudulmaz valideyniniz Heydər Əlirza oğlu Əliyevin xəttini davam etdirərək, Azərbaycanı bundan sonra da tərəqqi və dinc quruculuq yolu ilə aparacaqsınız. Sizin ölkənizin xalqı Moskva Patriarxatının dini rəhbərlik etdiyi başqa xalqlarla qardaşlıq münasibətləri ilə bağlıdır. Bu münasibətlər onların tarixi talelərinin ümumiliyinə əsaslanır. İnanıram ki, Siz Rus kilsəsi ilə Azərbaycanın İslam icması arasında ölkənizdə, MDB çərçivəsində və dünyada sıx əməkdaşlığın dəstəklənməsi xəttini davam etdirəcəksiniz. Sizə və Sizin şəxsinizdə Azərbaycanın bütün sakinlərinə aydın səma, xoş günlər və firavanlıq diləyirəm.

Dərin hörmətlə,

II Aleksi,
Moskvanın və bütün Rusiyanın patriarxı

Azərbaycan.-2008.-8 noyabr.-S.1.