Yaxın 3 ildə Azərbaycanda 45 körpünün tikintisi planlaşdırılır

Yaxın 3 il ərzində ölkədə 45 avtomobil körpüsünün inşası nəzərdə tutulur.

Nəqliyyat Nazirliyinə istinadən APA-Ekonomiks agentliyinin yaydığı xəbərə görə, hazırda regionlarda 5 belə körpünün tikintisi aparılır. Bakıda isə 2011-ci iləcən 30 piyada keçidinin və 14 yol qovşağının inşası planlaşdırılır. Paytaxtda həmçinin 7 çoxmərtəbəli avtomobil dayanacağının və 96 kilometr yeni yolun inşası nəzərdə tutulur.

Məlumat üçün bildirək ki, Nəqliyyat Nazirliyi ümumi istifadədə olan 22 min 134 kilometr yola xidmət edir. Bunun 1 min 684 kilometri beynəlxalq magistral, 2 min 669 kilometri respublika, 13 min kilometri yerli əhəmiyyətli yollardır. Bakının ərazisinə düşən yolların uzunluğu 1,5 min, ölkənin digər rayon və şəhərlərindəki yolların uzunluğu isə 3,3 min kilometrdir. Bütünlükdə Azərbaycanda 1201 avtomobil körpüsü var.

"Azərbaycan"

Azərbaycan.-2008.- 8 noyabr.-S.4.