AZƏRBAYCAN PREZİDENTİ İLHAM ƏLİYEV DÜNYA BANKININ AVROPA VƏ MƏRKƏZİ ASİYA ÜZRƏ VİTSE-PREZİDENTİ ŞİGEO KATSUNUN BAŞÇILIQ ETDİYİ NÜMAYƏNDƏ HEYƏTİNİ QƏBUL ETMİŞDİR

Azərbaycan Respublikasının Prezidenti İlham Əliyev noyabrın 18-də Dünya Bankının Avropa və Mərkəzi Asiya üzrə vitse-prezidenti Şigeo Katsunun başçılıq etdiyi nümayəndə heyətini qəbul etmişdir.

Şigeo Katsu ölkəmizdə keçirəcəyi görüşlər barədə dövlətimizin başçısına məlumat verdi, səfər müddətində Bakıda Asiya İnkişaf Bankı tərəfindən təşkil olunan Mərkəzi Asiya Regional İqtisadi Əməkdaşlıq proqramı çərçivəsində keçiriləcək tədbirdə də iştirak edəcəyini bildirdi.

Dövlətimizin başçısı qonağın ölkəmizə səfər proqramının geniş olduğunu vurğuladı. Prezident İlham Əliyev bu səfərin Azərbaycanın müvafiq hökumət nümayəndələri ilə görüşlər keçirmək və qarşılıqlı əməkdaşlığın perspektivləri ilə bağlı məsələləri müzakirə etmək üçün yaxşı imkan yaratdığını bildirdi.

Azərbaycan.- 2008.- 19 noyabr.- S. 1.