Heydər Əliyev Fondunun təşəbbüsü ilə tikilən yeni məktəb binası istifadəyə verilmişdir

AzərTAc-ın müxbiri xəbər verir ki, Lənkəran rayonunun Daştatük kəndində Heydər Əliyev Fondunun təşəbbüsü ilə tikilmiş 192 şagird yerlik yeni məktəb binası istifadəyə verilmişdir.

Rayon mərkəzindən 25 kilometr uzaqlıqda, dağlıq ərazidə inşa edilmiş təhsil ocağı yeni avadanlıq və dərs ləvazimatları ilə təmin edilmiş, məktəbə yeni yol çəkilmişdir.

Məktəbin istifadəyə verilməsi münasibətilə keçirilən mərasimdə Lənkəran Şəhər İcra Hakimiyyətinin başçısı Süleyman Mikayılov, təhsil işçiləri, kənd sakinləri çıxış edərək ölkəmizdə təhsilin maddi-texniki bazasının möhkəmləndirilməsinə göstərdiyi qayğıya görə Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban xanım Əliyevaya minnətdarlıqlarını bildirmişlər.

Azərbaycan.-2008.-27 noyabr.-S.5.