Şeyxülislam Paşazadə Gürcüstanın Katolikos-Patriarxı II İlya ilə görüşmüşdür

Noyabrın 5-də Qafqaz Müsəlmanları İdarəsinin sədri şeyxülislam Allahşükür Paşazadə ölkəmizdə səfərdə olan Gürcüstanın Katolikos-Patriarxı II İlya ilə görüşmüşdür.

Şeyxülislam Allahşükür Paşazadə dost Azərbaycan və Gürcüstan arasında münasibətlərin yüksək səviyyədə olduğunu bildirmişdir. Bunun nəticəsidir ki, Qafqaz regionunda dini qarşıdurma yoxdur. Bütün Qafqazın şeyxi onu da vurğulamışdır ki, hər iki xalq Qafqazda sülhün bərqərar olmasına səy göstərir.

Bütün Gürcüstanın Katolikos-Patriarxı II İlya isə dini rəhbərlər arasında da münasibətin yüksək səviyyədə olduğunu qeyd etmişdir.

AzərTAc

Azərbaycan.- 2009.-6 noyabr.- S. 5.