MDB Gənclər günlərinin iştirakçıları Sumqayıtda olmuşlar

MDB Gənclər günlərinin iştirakçılarından ibarət böyük nümayəndə heyəti Sumqayıtda olmuşdur. Qonaqlar şəhərin görməli yerlərini gəzmişlər.

İştirakçılar arasında dövlət sektorunun, ictimai sektorun, habelə yaradıcı gənclərin nümayəndələri - musiqiçilər, fotoqraflar, rəssamlar və kulinarlar vardır. Qazaxıstan, Belarus, Ukrayna, Moldova, Rusiya, Qırğızıstan, Tacikistan nümayəndə heyətləri tədbir çərçivəsində respublikamızda MDB ölkələrinin gənclər siyasəti sahəsində aktual məsələləri müzakirə etmək üçün toplaşmışlar.

Üzeyir Hacıbəyli adına Mədəniyyət sarayında MDB Gənclər günləri çərçivəsində gənc artistlərin iştirakı ilə böyük konsert olmuşdur. Respublikamızı vokalçı və saksafonçu Səfurə Əlizadə, reper Toni və müğənni Cəmil Məmmədli təmsil etmişlər. Tamaşaçılar gənclərin çıxışlarını hərarətlə qarşılamışlar.

Həmin gün Gənclər və İdman Nazirliyində nümayəndə heyətlərinin başçıları ilə görüş keçirilmişdir.

AzərTAc

Azərbaycan.- 2009.- 7noyabr.- S. 7.