Tacikistan Prezidenti Azərbaycanın müdafiə naziri ilə görüşmüşdür

MDB Müdafiə Nazirləri Şurasının Düşənbədə keçirilən iclası başa çatdıqdan sonra Azərbaycanın müdafiə naziri Səfər Əbiyevin Tacikistana səfəri başlanmışdır.

Tacikistan Prezidenti mətbuat xidmətinin verdiyi məlumata görə, dövlət başçısı Emoməli Rəhmonla Səfər Əbiyevin görüşündə iki ölkə arasında hərbi və hərbi-texniki sahədə əlaqələrin inkişafı və genişləndirilməsi məsələləri müzakirə edilmişdir.

Emoməli Rəhmon Tacikistan-Azərbaycan münasibətlərinin bütün sahələrdə dinamik inkişafını qeyd etmiş, iki ölkənin müdafiə idarələri arasında əlaqələrin inkişafından məmnun olduğunu bildirmişdir.

Tərəflər ölkələr arasında hərbi kadrların hazırlanması və hərbi qüvvələrin peşəkarlığının yüksəldilməsinə xüsusi diqqət yetirmişlər.

Görüşdə regional təhlükəsizlik məsələləri, Əfqanıstanda vəziyyət də müzakirə edilmişdir.

Qulu Kəngərli,

AzərTAc-ın xüsusi müxbiri

Düşənbə

Azərbaycan.- 2009.-12 noyabr.- S. 9.