Səfər başa çatdı
Noyabrın 13-də Azərbaycan
Respublikasının Prezidenti İlham Əliyevin Bolqarıstan
Respublikasına işgüzar səfəri başa
çatmışdır.
Hər iki ölkənin dövlət
bayraqları ilə bəzədilmiş Sofiya Beynəlxalq Hava
Limanında Azərbaycan Prezidentinin şərəfinə fəxri
qarovul dəstəsi düzülmüşdür.
Prezident İlham Əliyevi
Bolqarıstan Respublikasının yüksək vəzifəli
dövlət və hökumət nümayəndələri
yola saldılar.
* * *
Dövlətimizin
başçısı həmin gün axşam Bakıya
qayıtmışdır.
Azərbaycan Prezidentini
Heydər Əliyev adına Beynəlxalq Hava Limanında Baş
nazir Artur Rasizadə, Prezident Administrasiyasının rəhbəri
Ramiz Mehdiyev və Bakı Şəhər İcra Hakimiyyətinin
başçısı Hacıbala Abutalıbov
qarşıladılar.
AzərTAc
Azərbaycan.- 2009.- 14 noyabr.- S. 3.