Milli Məclisin Mədəniyyət komitəsinin iclası olmuşdur

Noyabrın 13-də Milli Məclisin Mədəniyyət komitəsinin iclası keçirilmişdir.

Əvvəlcə "Azərbaycan Respublikasının İnzibati Xətalar Məcəlləsi"ndə, "Azərbaycan folkloru nümunələrinin hüquqi qorunması haqqında" və "Məlumat toplularının hüquqi qorunması haqqında" qanunlarda dəyişikliklərin edilməsi barədə qanun layihələri müzakirə edilmişdir.

Komitənin sədri Nizami Cəfərov demişdir ki, qanun layihələrində yazılı ədəbiyyatda, misiqidə müəllif hüquqlarının daha ciddi qorunmasını tələb edən müddəalar yer almışdır.

"Mədəni özünüifadə müxtəlifliyinin qorunması və təşviqi haqqında" Konvensiyanın təsdiq edilməsi barədə qanun layihəsinin müzakirəsində qeyd edilmişdir ki, bu sənəd 2005-ci ildə Fransada qəbul edilmiş və YUNESKO səviyyəsində həyata keçirilir.

Sonra "Avropanın memarlıq irsinin qorunmasına dair" Konvensiyanın təsdiq edilməsi haqqında qanun layihəsinə baxılmışdır. Bildirilmişdir ki, bu Konvensiyanın tələblərinə görə, Dağlıq Qarabağın işğalından sonra orada olan tarix-memarlıq abidələrinin qorunmasına Ermənistan tərəfi məsuliyyət daşıyır. Bu, qanun layihəsində də qeyd olunmuşdur.

Qanun layihələri komitə tərəfindən təsdiqlənmiş və parlamentin plenar iclasında müzakirəyə çıxarılması tövsiyə olunmuşdur.

AzərTAc

Azərbaycan.- 2009.- 14 noyabr.- S. 4.