“Məhkəmələr və hakimlər haqqında”, “Bələdiyyə qulluğu haqqında”, “Prokurorluq haqqında”, “Notariat haqqında”, “Vəkillər və vəkillik fəaliyyəti haqqında”, “Bələdiyyə üzvünün statusu haqqında”, “Dövlət qulluğu haqqında”, “Prokurorluq orqanlarında qulluq keçmə haqqında” və “Ədliyyə orqanlarında qulluq keçmə haqqında” Azərbaycan Respublikasının qanunlarına dəyişikliklər və əlavələr edilməsi barədə

I. “Məhkəmələr və hakimlər haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1997-ci il, № 5, maddə 413; 1999-cu il, № 5, maddə 284, № 7, maddə 396, № 10, maddə 570; 2001-ci il, № 5, maddə 292, № 6, maddə 379, № 7, maddə 455; 2002-ci il, № 1, maddə 4, № 12, maddə 706; 2003-cü il, № 6, maddə 278; 2004-cü il, № 2, maddə 57, № 3, maddə 133, № 4, maddə 199, № 8, maddələr 597, 598, № 9, maddə 669; 2005-ci il, № 1, maddə 7, № 8, maddə 686; 2006-cı il, № 1, maddə 4, № 12, maddə 1005; 2007-ci il, № 5, maddə 446, № 7, maddə 712, № 11, maddə 1078, № 12, maddə 1222; 2008-ci il, № 3, maddə 163, № 7, maddə 609; 2009-cu il, № 2, maddə 46) aşağıdakı dəyişiklik və əlavə edilsin:

1. 86-cı maddənin birinci hissəsindən “, Naxçıvan Muxtar Respublikası Ali Məhkəməsinin və apellyasiya məhkəmələrinin” sözləri çıxarılsın;

2. 88-ci maddəyə aşağıdakı məzmunda beşinci hissə əlavə edilsin:

“Məhkəmə aparatının işçiləri mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.”.

II. “Bələdiyyə qulluğu haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 1999-cu il, № 12, maddə 687; 2004-cü il, № 1, maddə 10; 2005-ci il, № 2, maddə 62; 2006-cı il, № 3, maddə 225) aşağıdakı məzmunda 7-1-ci maddə əlavə edilsin:

“Maddə 7-1. Bələdiyyə qulluqçularının peşə hazırlığı və ixtisasının artırılması

Bələdiyyə qulluqçuları mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.".

III. “Prokurorluq haqqında” Azərbaycan Respublikası Qanununun (Azərbaycan Respublikasının Qanunvericilik Toplusu, 1999-cu il, № 12, maddə 688; 2000-ci il, № 7, maddə 494; 2002-ci il, № 8, maddə 464; 2004-cü il, № 1, maddə 10, № 2, maddə 57, № 3, maddə 133, № 4, maddə 202; 2005-ci il, № 10, maddələr 874, 876, 902; 2006-cı il, № 11, maddə 927; 2007-ci il, № 1, maddə 1, № 2, maddə 82, № 6, maddə 570, № 8, maddə 756, № 11, maddələr 1078, 1081; 2008-ci il, № 3, maddə 155, № 4, maddə 250, № 8, maddə 696; 2009-cu il, № 6, maddə 399) 29-cu maddəsinin üçüncü hissəsi aşağıdakı redaksiyada verilsin:

“Prokurorluğa ilk dəfə işə qəbul olunmaq üçün namizədlər müvəffəqiyyətlə müsabiqədən keçdikdən sonra müvafiq icra hakimiyyəti orqanının tədris-elm müəssisəsində icbari təlimə cəlb edilirlər. Bu təlimi müvəffəqiyyətlə bitirmiş namizədlər, bir qayda olaraq, bir illik iş təcrübəsi (stajorluq) keçirlər.”.

IV. “Notariat haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2000-ci il, № 1, maddə 10; 2001-ci il, № 5, maddə 293, № 11, maddə 687, № 12, maddə 740; 2002-ci il, № 5, maddə 241, № 6, maddə 328, № 12, maddə 706; 2004-cü il, № 5, maddə 318; 2005-ci il, № 4, maddə 281, № 8, maddə 699, № 10, maddə 903, № 11, maddə 993; 2007-ci il, № 1, maddə 4, № 8, maddə 745, № 11, maddələr 1053, 1075; 2008-ci il, № 6, maddə 462, № 7, maddə 602; 2009-cu il, № 1, maddə 5; Azərbaycan Respublikasının 2009-cu il 30 iyun tarixli 856-IIIQD nömrəli Qanunu) aşağıdakı dəyişikliklər və əlavə edilsin:

1. 4-cü maddədə:

1.1. dördüncü hissə aşağıdakı redaksiyada verilsin:

“Şəhadətnamə almaq istəyən şəxslərin bilik səviyyəsi imtahan və müsahibə vasitəsilə yoxlanılır, bundan sonra onlar müvafiq icra hakimiyyəti orqanının tədris-elm müəssisəsində icbari təlimə (bundan sonra - icbari təlim) cəlb olunurlar.”;

1.2. beşinci hissədə “təcrübə keçməkdən” sözləri “icbari təlimdən” sözləri ilə əvəz edilsin;

1.3. altıncı hissədə “Notarius yanında təcrübə keçmiş və ya təcrübə keçməkdən” sözləri “İcbari təlimdən” sözləri ilə əvəz edilsin;

1.4. yeddinci hissədə “, təcrübənin” sözü çıxarılsın;

2. 5-ci maddədə:

2.1. birinci hissədə “onun” sözü çıxarılsın, “müsahibədən” sözü “müsahibənin” sözü ilə, “verilməsi və ya onun” sözləri “və təyinatlara dair təkliflərin verilməsi və ya şəhadətnamənin” sözləri ilə əvəz edilsin;

2.2. dördüncü hissədə “təcrübəyə” sözü “icbari təlimə” sözləri ilə, “təcrübəni bitirmiş və ya təcrübədən” sözləri “icbari təlimdən” sözləri ilə, “verilməsi və ya bundan” sözləri “və təyinatlara dair təkliflərin verilməsi və ya şəhadətnamənin verilməsindən” sözləri ilə əvəz edilsin;

2.3. onuncu hissə çıxarılsın;

3. 6-cı maddənin birinci hissəsində “İxtisas” sözü “İcbari təlimi müvəffəqiyyətlə bitirənlərə və ya peşə hazırlığına dair müsahibədən keçənlərə ixtisas” sözləri ilə əvəz edilsin;

4. 14-cü maddənin birinci hissəsində “notarius yanında təcrübə keçənlərin” sözləri “icbari təlimə cəlb olunanların” sözləri ilə əvəz edilsin;

5. aşağıdakı məzmunda 14-1-ci maddə əlavə edilsin:

“Maddə 14-1. Notariusların peşə hazırlığı və ixtisasının artırılması

Notariuslar mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.”;

6. 20-ci maddənin ikinci hissəsindən “dövlət notariusu yanında təcrübə keçən,” sözləri çıxarılsın.

V. “Vəkillər və vəkillik fəaliyyəti haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2000-ci il, № 1, maddə 19; 2001-ci il, № 12, maddə 736; 2004-cü il, № 2, maddə 57, № 3, maddə 133, № 8, maddə 599, № 10, maddə 787; 2005-ci il, № 8, maddə 686; 2006-cı il, № 12, maddə 1005; 2007-ci il, № 4, maddə 322; Azərbaycan Respublikasının 2009-cu il 30 iyun tarixli 856-IIIQD nömrəli Qanunu) aşağıdakı əlavələr edilsin:

1. 8-ci maddənin birinci hissəsinin birinci cümləsində “vermiş” sözündən sonra “və müvafiq icra hakimiyyəti orqanının tədris-elm müəssisəsində icbari təlimi müvəffəqiyyətlə bitirmiş” sözləri əlavə edilsin;

2. aşağıdakı məzmunda 16-1-ci maddə əlavə edilsin:

“Maddə 16-1. Vəkillərin peşə hazırlığı və ixtisasının artırılması

Vəkillər mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.".

VI. “Bələdiyyə üzvünün statusu haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2000-ci il, № 10, maddə 706; 2004-cü il, № 1, maddə 10; 2006-cı il, № 2, maddə 67, № 3, maddə 225; 2007-ci il, № 11, maddə 1081) aşağıdakı məzmunda 10-1-ci maddə əlavə edilsin:

“Maddə 10-1. Bələdiyyə üzvünün peşə hazırlığı və ixtisasının artırılması

Bələdiyyə üzvləri mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.".

VII. “Dövlət qulluğu haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, № 1, maddə 1, № 3, maddə 131; 2002-ci il, № 12, maddə 693; 2003-cü il, № 1, maddə 16; 2004-cü il, № 1, maddə 10, № 4, maddə 199, № 5, maddə 321, № 8, maddə 597, № 11, maddə 884; 2005-ci il, № 6, maddələr 463, 475, № 10, maddə 874; 2006-cı il, № 5, maddə 386, № 6, maddə 479, № 8, maddə 657, № 11, maddə 927, № 12, maddələr 1005, 1014; 2007-ci il, № 2, maddə 83, № 5, maddə 434, № 7, maddə 711, № 10, maddə 934, № 11, maddələr 1049, 1074, 1078, № 12, maddələr 1213, 1219; 2008-ci il, № 3, maddə 153, № 5, maddələr 326, 341, № 6, maddələr 471, 481, № 7, maddə 602, № 8, maddə 699, № 10, maddə 881; 2009-cu il, № 2, maddə 54, № 5, maddə 311, № 6, maddə 403) aşağıdakı məzmunda 22-1.9-cu maddə əlavə edilsin:

“22-1.9. Azərbaycan Respublikası Konstitusiya Məhkəməsinin, Azərbaycan Respublikası Ali Məhkəməsinin, Azərbaycan Respublikası Məhkəmə-Hüquq Şurasının və Azərbaycan Respublikası İnsan hüquqları üzrə müvəkkilinin (ombudsmanın) aparatlarında, habelə 3-cü-7-ci kateqoriya dövlət orqanlarında ali hüquq təhsili tələb edən vəzifələrdə qulluq keçən dövlət qulluqçuları mütəmadi olaraq müvafiq icra hakimiyyəti orqanının tədris-elm müəssisəsində peşə hazırlığına və ixtisasının artırılmasına cəlb edilirlər.”.

VIII. “Prokurorluq orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2001-ci il, № 7, maddə 452, № 12, maddə 731; 2002-ci il, № 12, maddə 706; 2005-ci il, № 10, maddə 902; 2006-cı il, № 11, maddə 927; 2007-ci il, № 1, maddələr 1, 4, № 2, maddə 82, № 6, maddə 570, № 8, maddə 756, № 11, maddələr 1078, 1081; 2008-ci il, № 3, maddə 155, № 4, maddə 250, № 8, maddə 696; 2009-cu il, № 6, maddə 399) aşağıdakı məzmunda 4.4-1-ci maddə əlavə edilsin:

“4.4-1. Prokurorluğa ilk dəfə qulluğa qəbul olunmaq üçün müsabiqədən müvəffəqiyyətlə keçmiş namizədlər müvafiq icra hakimiyyəti orqanının tədris-elm müəssisəsində icbari təlimə cəlb edilirlər. Bu təlimi müvəffəqiyyətlə bitirmiş namizədlər prokurorluğa qulluğa qəbul edilirlər.”.

IX. “Ədliyyə orqanlarında qulluq keçmə haqqında” Azərbaycan Respublikasının Qanununa (Azərbaycan Respublikasının Qanunvericilik Toplusu, 2006-cı il, № 7, maddə 586; 2007-ci il № 1, maddə 1, № 8, maddə 756, № 11, maddələr 1078, 1081; 2008-ci il, № 3, maddə 155, № 6, maddə 481, № 8, maddələr 694, 710; 2009-cu il, № 6, maddə 399) aşağıdakı əlavələr edilsin:

1. 4.7-ci maddəyə aşağıdakı məzmunda ikinci abzas əlavə edilsin:

“İlk dəfə ədliyyə orqanlarına qulluğa qəbul olunmaq üçün müsabiqədən keçmiş namizədlər müvafiq icra hakimiyyəti orqanının tədris-elm müəssisəsində icbari təlimə cəlb edilirlər. Bu təlimi müvəffəqiyyətlə bitirmiş namizədlər ədliyyə orqanlarına qulluğa qəbul edilirlər.”;

2. 21.2-ci maddənin ikinci cümləsində “uyğun” sözündən sonra “olaraq müvafiq icra hakimiyyəti orqanının tədris-elm müəssisəsində” sözləri əlavə edilsin.

İlham ƏLİYEV,

Azərbaycan Respublikasının Prezidenti

Bakı şəhəri, 27 oktyabr 2009-cu il

Azərbaycan.- 2009.- 25 noyabr.- S. 3.