Azərbaycanlı bəstəkarın ABŞ-dakı uğurları davam edir

Noyabr ayı Azərbaycanın gənc bəstəkarı Türkər Qasımzadə üçün məhsuldar olmuşdur. Heydər Əliyev Fondunun maliyyə dəstəyi ilə bəstəkarlıq üzrə magistratura kursunda təhsil aldığı üçün Nyu-York Manhetten Konservatoriyasının səhnəsində onun iki kamera əsəri səslənmişdir. "Kiçicik sevinclər" adlanan sonuncu əsərini ötən şənbə günü müəllifin uğurla əməkdaşlıq etdiyi müasir musiqi ansamblı "Taktus" ifa etmişdir. Əsərin ifası qrupun bədii rəhbəri Daniel Graboisin dirijorluğu ilə keçmiş və dinləyicilər tərəfindən alqışlarla qarşılanmışdır. Bəstəkarın bildirdiyinə görə, bu əsər məşhur rus rəssamı M.Kandinskinin eyniadlı rəsm əsərinə ("Malıye radosti") musiqi ilyüstrasiyası kimi bəstələnmişdir.

Azərbaycan.- 2009.- 25 noyabr.- S. 8.