Avropa Ədalətli Oyunlar Hərəkatının XV konqresinin və Baş Assambleyasının iştirakçıları ümummilli lider Heydər Əliyevin məzarını və Şəhidlər xiyabanını ziyarət etmişlər

Avropa Ədalətli Oyunlar Hərəkatının (AƏOH) Bakıda keçirilən XV konqresinin və Baş Assambleyasının iştirakçıları oktyabrın 14-də Fəxri xiyabana gələrək müasir Azərbaycan dövlətinin memarı və qurucusu, ümummilli lider Heydər Əliyevin xatirəsini ehtiramla yad etmiş, məzarı önünə əklil qoymuşlar.

Görkəmli oftalmoloq alim, akademik Zərifə xanım Əliyevanın da xatirəsi yad olunmuş, məzarı üstünə gül dəstələri düzülmüşdür.

Sonra qonaqlar Şəhidlər xiyabanında Azərbaycanın müstəqilliyi və ərazi bütövlüyü uğrunda canlarından keçmiş qəhrəman Vətən övladlarının məzarları üstünə gül dəstələri düzmüş, "Əbədi məşəl" abidəsinin önünə əklil qoymuşlar

Azərbaycan.- 2009.- 14 oktyabr.- S. 7.