II Beynəlxalq Bank Konfransı başa çatdı

Bakıda keçirilən "MDB-nin maliyyə və bank sistemlərinin dayanıqlığının yüksəldilməsi" mövzusunda II Beynəlxalq Bank Konfransı öz işini yekunlaşdırmışdır.

MDB-nin Maliyyə-Bank Əlaqələndirmə Şurasının sədri A.Kazakov demişdir ki, maraqlı çıxışlar, səmərəli təkliflər və müzakirələrlə bol olan konfransın işini məhsuldar hesab etmək olar. Birlik ölkələrində maliyyə sahəsini dirçəltmək və gələcəkdə də ola biləcək mənfi halların qarşısını almaq üçün xüsusi ehtiyat fondları yaradılmalıdır. Buna isə ən azı 200-300 milyard dollar vəsait lazımdır.

Konfransın sonunda yekun sənəd qəbul edilmişdir. Sənəd tam hazır olduqdan sonra MDB ölkələrinin dövlət başçılarına təqdim olunacaqdır.

Azərbaycan.- 2009.- 16 oktyabr.- S. 7.