Avropa Ədalətli Oyunlar Hərəkatının Bakıda keçirilən 15-ci konqresi və Baş Assambleyası başa çatmışdır

Avropa Ədalətli Oyunlar Hərəkatının Bakıda keçirilən 15-ci konqresi və Baş Assambleyası işini yekunlaşdırmışdır.

Beş gün davam edən tədbirdə 24 ölkənin Ədalətli Oyunlar Komissiyalarının, habelə beynəlxalq qurumların nümayəndələri iştirak etmişlər. Konfransın əsas müzakirə mövzusu idman yarışlarının ədalətlə idarə edilməsi, bu sahədə təcrübə mübadiləsinin həyata keçirilməsi olmuşdur.

Oktyabrın 17-də Ədalətli Oyunlar Hərəkatının Baş Assambleyasının iclası keçirilmişdir. İclasda əməkdaşlığın gələcək perspektivlərini özündə əks etdirən Bakı Bəyannaməsi qəbul edilmişdir.

Avropa Ədalətli Oyunlar Hərəkatının bayrağı gələn il konqresin təşkilatçısı olacaq Çexiyanın nümayəndəsinə verilmişdir.

Azərbaycan.- 2009.- 18 oktyabr.- S. 2.