Ulu öndərin abidələrinin açılması xalqımızın dahi şəxsiyyətin xatirəsinə ehtiramının ifadəsidir

Dövlət Müstəqilliyi Günündə ümummilli lider Heydər Əliyevin heykəlinin açılması rəmzi məna daşıyır.

Bu sözləri oktyabrın 18-də Maştağada ümummilli lider Heydər Əliyevin heykəlinin açılışı mərasimindən sonra jurnalistlərə müsahibəsində YAP sədrinin müavini - icra katibi, Milli Məclisin deputatı Əli Əhmədov demişdir.

İcra katibi bildirmişdir ki, Azərbaycanın müstəqilliyinin əbədi, dönməz amilə çevrilməsi birbaşa Heydər Əliyevin xidmətləri ilə bağlıdır. Bu gün qüdrəti artan müasir Azərbaycanın bünövrəsi Heydər Əliyev tərəfindən qoyulmuşdur. Xalqımız ulu öndərin misilsiz xidmətlərini unutmur. Onun xatirəsi ölkəmizin müxtəlif guşələrində abidələrinin açılması ilə qeyd edilir. Bu isə Azərbaycan xalqının ümummilli liderin şəxsiyyətinə ehtiramının ifadəsidir

Azərbaycan.- 2009.- 20 oktyabr.- S. 7.