Ümummilli lider Heydər Əliyevin məzarını və
Şəhidlər xiyabanını ziyarət
Azərbaycanda səfərdə
olan Almaniyanın Bədbəxt Hadisələrdən Sosial
Sığorta Təşkilatının icraçı
direktoru, Beynəlxalq Sosial Təminat Assosiasiyasının
komissiya sədri, Beynəlxalq Reabilitasiya Təşkilatının
Avropa bölməsinin vitse-prezidenti İoakim Bröyerin
başçılıq etdiyi nümayəndə heyəti
oktyabrın 21-də
Fəxri xiyabana gələrək müasir Azərbaycan
dövlətinin memarı və qurucusu, ümummilli lider Heydər
Əliyevin xatirəsini ehtiramla yad etmiş, məzarı
önünə gül dəstələri qoymuşdur.
Görkəmli oftalmoloq alim,
akademik Zərifə xanım Əliyevanın da xatirəsi yad
olunmuş, məzarı üzərinə güllər
düzülmüşdür.
Sonra qonaqlar Şəhidlər
xiyabanında Azərbaycanın müstəqilliyi və ərazi
bütövlüyü uğrunda canlarından keçmiş
qəhrəman Vətən övladlarının məzarları
üzərinə güllər düzmüşlər.
AzərTAc
Azərbaycan.- 2009.- 22 oktyabr.- S. 2.