Hüquqşünaslar telekanallarla bağlı diskussiyaları dəstəkləyirlər

Azərbaycan Respublikası Prezidenti Administrasiyasının rəhbəri akademik Ramiz Mehdiyevin "Azərbaycan" qəzetində bu il oktyabrın 2-də dərc edilmiş "Azərbaycanın efir məkanı: problemlər və vəzifələr" adlı məqaləsi rayonumuzda böyük əks-səda doğurmuşdur.

Hörmətli akademik bu yazıda yerli televiziya və radio qurumlarının fəaliyyətindəki kifayət qədər ciddi və ağrılı problemlərə toxunmuşdur.

Akademik Ramiz Mehdiyev görkəmli filosof kimi bütün problemləri dərindən təhlil etməklə onların həlli yollarını da aydın şəkildə göstərmişdir. Məqalədə bütün cəmiyyətimizi narahat edən və dövlətçiliyimiz üçün vacib olan məsələlərdən danışılması təqdirəlayiqdir. Məqalə ilə bağlı "Azərbaycan" qəzetində oxucuların çıxışlarının dərc olunmasına və redaksiyada "dəyirmi masa"nın təşkil edilməsinə görə Qusar rayonunun hüquq-mühafizə orqanları adından sizə təşəkkürümüzü bildiririk.

Zahid VƏLİYEV,

Qusar rayon prokuroru,

baş ədliyyə müşaviri

Azərbaycan.- 2009.- 22 oktyabr.- S. 7.