Türkiyə parlamenti Ermənistanla imzalanmış protokolları ratifikasiya etməyə tələsmir

Türkiyə parlamenti Ermənistanla imzalanmış protokolları ratifikasiya etməyə tələsmir. Bu sözləri Azərbaycanda səfərdə olan Türkiyə Böyük Millət Məclisi (TBMM) Xarici əlaqələr komissiyasının sədri Murad Mərcan demişdir.

Murad Mərcan qeyd etmişdir ki, əvvəlcədən dediyimiz kimi, biz Azərbaycanı incidəcək heç bir addım atmayacağıq. Protokolları ratifikasiya etməyə tələsmirik. Buna görə bizi sıxışdıran da yoxdur.

TBMM-in Xarici əlaqələr komissiyasının sədri demişdir ki, Azərbaycana səfərdən məqsəd parlamentlərarası əlaqələrin, eləcə də digər sahələrdə münasibətlərimizin inkişafına dair fikir mübadiləsi aparmaqdır.

Azərbaycan.- 2009.- 29 oktyabr.- S. 3.