Riyad Əl-Malki: "Fələstin Muxtariyyəti Azərbaycanın Dağlıq Qarabağ münaqişəsi ilə bağlı mövqeyini dəstəkləyir"

Azərbaycanda səfərdə olan Fələstin Muxtariyyətinin xarici işlər naziri Riyad Əl-Malki bildirmişdir ki, Fələstin Muxtariyyəti Azərbaycanla hərtərəfli əməkdaşlığın inkişafında maraqlıdır.

Ermənistan-Azərbaycan, Dağlıq Qarabağ münaqişəsindən bəhs edən nazir vurğulamışdır ki, Fələstin Azərbaycanın Dağlıq Qarabağ münaqişəsi ilə bağlı mövqeyini dəstəkləyir. İşğal altındakı rayonları hər zaman Azərbaycanın ərazisi kimi tanımışıq. Bundan sonra da Azərbaycanın ərazi bütövlüyü ilə bağlı mövqeyimiz dəyişməyəcəkdir. Azərbaycanın işğal altındakı ərazilərinin dərhal, ən əsası isə, sülh yolu ilə azad edilməsinin tərəfdarıyıq. Fələstin dövləti beynəlxalq ictimaiyyəti münaqişənin sülh yolu ilə həllinə nail olunması üçün Ermənistana təzyiq göstərməyə çağırır.

AzərTAc

Azərbaycan.- 2009.- 30 oktyabr.- S. 5.