Sosial proqramlar uğurla reallaşdırılır

Ölkə başçısının son beş il yarımda imzaladığı sosial-iqtisadi inkişafa dair dövlət proqramları qeyri-neft sektorunun möhkəmlənməsinə, infrastrukturun yeniləşdirilməsinə, iqtisadiyyatın neftdən asılılıq dərəcəsinin azaldılmasına, respublikanın bölgələrinin tarazlı inkişafına gətirib çıxarmışdır. Aparılan iqtisadi siyasətin davamı olaraq "Azərbaycan Respublikası regionlarının 2009-2013-cü illərdə sosial-iqtisadi inkişafı Dövlət Proqramı"nın təsdiq edilməsi qeyri-neft sektorunun daha sürətli inkişafına, infrastrukturun daha da yaxşılaşdırılmasına, əhalinin həyat səviyyəsinin yüksəldilməsinə və məşğulluğunun artırılmasına hesablanmışdır.

Respublikanın regionlarının sosial-iqtisadi inkişafına dair birinci Dövlət Proqramının uğurla reallaşdırılması bölgələrimizdə əlverişli investisiya mühitinin yaradılmasına, müasir tipli istehsal müəssisələrinin işə başlamasına, əhalinin maddi rifahının yaxşılaşmasına gətirib çıxarmışdır. Ötən beş il yarımda sosial müdafiə sahəsində aparılan sistemli tədbirlər də müsbət nəticələr vermişdir.

Ölkə rəhbərliyi tərəfindən sosial sahəyə olan diqqət və qayğı davamlı xarakter daşıyır. Sosial siyasətin başlıca məqsədi əhalinin, o cümlədən regionlarda yaşayan vətəndaşların həyat şəraitinin daha da yaxşılaşdırılmasını təmin etməkdən ibarətdir.

2009-2013-cü illəri əhatə edən regionların sosial-iqtisadi inkişafına dair Dövlət Proqramında aztəminatlı ailələrə ünvanlı sosial yardımın göstərilməsi üçün müvafiq tədbirlərin davam etdirilməsi, əhalinin, xüsusilə gənc ailələrin mənzilə olan ehtiyaclarının ödənilməsi məqsədilə ipoteka kreditləşməsinin mexanizminin təkmilləşdirilməsi, Qarabağ əlilləri və şəhid ailələrinin mənzil şəraitinin yaxşlaşdırılması, uşaq və ailə mərkəzlərinin, o cümlədən xüsusi istirahət müəssisələrinin və uşaqlar üçün ixtisaslaşmış xidmət müəssisələrinin yaradılması məsələləri əhatə olunmuşdur.

İqtisadi sahədə əldə olunan nailiyyətlərin effektiv şəkildə sosial sferaya yönəldilməsi müsbət nəticələr verməkdədir. Ölkəmizdə bazar iqtisadiyyatı rrinsiplərinin qorunması ilə yanaşı, cəmiyyətin aztəminatlı təbəqəsi üçün sosial yardımların verilməsi sisteminin formalaşdırılması, bütün səviyyələrdə ədalətliliyin bərqərar olması aparılan siyasətin uğurlarından xəbər verir.

Sosial sferada yüksək nəticələr əldə etmiş qabaqcıl ölkələrin təcrübəsindən istifadə edilməklə həyata keçirilən layihələrin bəhrəsini insanlar öz həyatlarında hiss edirlər. Təsadüfi deyil ki, Azərbaycan bölgədə həm də ən irimiqyaslı sosial layihələri gerçəkləşdirən dövlət kimi tanınır.

Hər il dövlət büdcəsinin xərclər bölümünün tərtibi zamanı sosial müdafiəyə ehtiyacı olan təbəqəyə xüsusi diqqət göstərilir. Bu kateqoriyaya aid insanların (aztəminatlı ailələrin, rensiyaçıların, əlillərin) sosial müdafiəsinə ayrılan məbləğ ildən-ilə artırılır. Milli sosial sistemin və məşğulluq proqramının inkişafı layihələri uğurla reallaşdırılmaqdadır. Ölkədə ünvanlı sosial yardım alanların əhatə dairəsi genişlənmişdir. Prezident İlham Əliyev demişdir: "Bu ilin birinci yarısında ümumi daxili məhsul 3,6 faiz artmışdır. Çox sevindiricidir ki, qeyri-neft sektorunda artım 4,1 faiz təşkil etmişdir. Bu, çox gözəl göstəricidir və onu göstərir ki, bizim iqtisadiyyatımız və ümumiyyətlə, ölkəmizin gələcəyi neft amilindən daha az asılıdır. Əlbəttə, neft-qaz sektorunun inkişafı və bu sahədə görülən işlər bizim iqtisadi imkanlarımızı böyük dərəcədə genişləndirmişdir. Biz də bu gözəl imkanlardan səmərəli istifadə etdik və iqtisadiyyatımızın digər sektorlarının inkişafı üçün əməli-praktik işlər görülmüşdür.

İlin birinci yarısında sosial məsələlərin həlli də uğurla davam edir, bütün sosial proqramlar həyata keçirilir. Məktəb, xəstəxana tikintisi, digər sosial proqramlar icra edilir, ünvanlı sosial yardım alan insanların sayı 800 minə çatmışdır və orta hesabla hər bir ailəyə yüz manat yardım göstərilmişdir. Bu da çox böyük məbləğdir və çətin vəziyyətdə yaşayan soydaşlarımızın sosial vəziyyətinin yaxşılaşdırlması üçün Azərbaycan dövləti tərəfindən görülən konkret tədbirdir".

Artıq Azərbaycan vətəndaşlarının sosial müdafiəsinin gücləndirilməsi üzrə komrleks tədbirlərin yeni mərhələsinə start verilib. Onun başlıca tərkib hissələrindən birini tibbi-reabilitasiya xidmətinin yenilənməsi təşkil edir ki, bu da əlillərin cəmiyyət həyatına daha fəal şəkildə qatılmasını təmin edəcəkdir. Onlar da hamı kimi fiziki imkanları çərçivəsində çalışacaq, təhsil alacaq və idmanla məşğul olacaqlar.

Cari ildə Azərbaycanın dövlət büdcəsindən əhaliyə ünvanlı sosial yardımın ödənilməsi üçün 210 milyon manat vəsait ayrılmışdır. Bu, MDB məkanında ən yüksək göstəricidir. Qeyd edək ki, ölkədə ünvanlı dövlət sosial yardımının tətbiqinə başlandığı 2006-cı il iyulun 1-dən bu sahədə yüksək artım sürəti müşahidə olunur. 2006-cı ildə dövlət büdcəsindən bu məqsəd üçün 39 milyon manat, 2007-ci ildə 78 milyon manat, 2008-ci ildə isə 127 milyon 500 manat vəsait xərclənmişdir.

Sosial siyasətdə aktiv tədbirləri genişləndirmək məqsədilə 2010-2013-cü illəri əhatə edəcək "Aztəminatlı ailələrin sosial reabilitasiyası Dövlət Proqramı" çərçivəsində 13 layihənin də reallaşdırılması nəzərdə tutulur. Əhalinin məşğulluğunun təmini, peşə hazırlığı və yenidən hazırlıq, kiçik biznesə dəstək, məktəbdən işə, kəndli fermer təsərrüfatlarına dəstək, layiqli əməyin təşkili, psixososial reabilitasiya, sosial xidmətin təşkili, tibbi sosial reabilitasiya sahələri əhatə edəcək bu layihələr yoxsulluq problemlərinin tamamilə həllinə xidmət edəcəkdir

Əməkhaqların, rensiyaların və müavinətlərin ildən-ilə artırılması dövlətin bu sahəyə olan diqqətini bir daha nümayiş etdirir. Dünyanı bürüyən maliyyə böhranına baxmayaraq Azərbaycanda sosial proqramların uğurla icrası böyük uzaqgörənliklə həyata keçirilən sosial siyasət xəttindən xəbər verir. İndi də mühüm sosial obyektlərin - roliklinikaların, uşaq bağçalarının, məktəblərin tikintisi davam etdirilir və perspektivdə həyata keçirilcək layihələr üzərində iş gedir.

Ümumiyyətlə, ölkəmizdə həyata keçirilən səmərəli iqtisadi islahatlar kursunun yeni dövrün tələblərinə uyğun daha da zənginləşdirilməsi bütün sahələrdəki uğurlarımızı şərtləndirmişdir. Sosial sahədə həyata keçirilən irimiqyaslı layihələr son nəticədə əhalinin rifah halının daha da yaxşılaşmasına, yoxsulluq probleminin aradan qaldırılmasna imkanlar açmışdır. Yoxsulluğun həddinin 49 faizdən 13 faizə enməsi deyilənləri bir daha təsdiqləyir. Son beş il yarımda dövlət başçısı tərəfindən təsdiq edilən sosial-iqtisadi proqramlar Azərbaycanı dinamik inkişaf yoluna çıxarmış, Cənubi Qafqazın ən qüdrətli dövlətinə çevirmişdir. Nüfuzlu beynəlxalq qurumlar tərəfindən keçirilən sorğuların nəticələri bir daha sübut edir ki, Azərbaycan xalqı həyata keçirilən çoxşaxəli islahatlardan razıdır və bu siyasi kursa alternativ görmür.

E.HACIALIYEV

Azərbaycan.- 2009.- 6 sentyabr.- S. 1, 2.