Naməlum əsgərin məzarını ziyarət
Rumıniyada rəsmi səfərdə
olan Azərbaycan Prezidenti İlham Əliyev sentyabrın 28-də
Buxarestdəki "Karol-1" xiyabanına gələrək,
naməlum əsgərin məzarını ziyarət
etmişdir.
Burada dövlətimizin
başçısının şərəfinə fəxri
qarovul dəstəsi düzülmüşdü.
Azərbaycanın və
Rumıniyanın dövlət himnləri səsləndirildi.
Prezident İlham Əliyev
naməlum əsgərin məzarı önünə əklil
qoydu və İkinci dünya müharibəsi zamanı həlak
olmuş rumın əsgərlərinin xatirəsini yad etdi.
Dövlətimizin
başçısı xatirə kitabını imzaladı.
AzərTAc
Azərbaycan.- 2009.- 29 sentyabr.- S. 3.