Ağdam rayonunda referendum üzrə təşəbbüs qrupu yaradılmışdır

AzərTAc xəbər verir ki, Ağdam rayonunun Quzanlı qəsəbəsində Konstitusiyaya ediləcək əlavələr və dəyişikliklərlə bağlı ölkədə keçiriləcək referendum üzrə təşəbbüs qrupu yaradılmışdır.

Bu məsələyə həsr olunmuş yığıncaqda çıxış edənlər mühüm kampaniyanın keçirilməsinə hazırlıqla bağlı görüləcək işlərdən danışmış, təşəbbüs qrupunun əhali arasında maarifləndirmə və təbliğat işlərinin aparılmasında mühüm rol oynayacağını bildirmişlər.

Yığıncaqda səsvermə keçirilmiş, təşəbbüs qrupunda təmsil olunmaq üçün nümayəndələr seçilmişdir.

Azərbaycan.-2009.-7 yanvar.-S.6.