Polşa "Nabukko" qaz kəməri layihəsinin tezliklə reallaşdırılmasını dəstəkləyir

Polşa Prezidenti Lex Kaçinski hesab edir ki, Aİ "Nabukko" qaz kəmərinin tikintisi layihəsini mümkün qədər tez reallaşdırmalıdır.

"Polskoye Radio"nun yaydığı məlumata görə, L.Kaçinski demişdir: "Polşanın Avropa İttifaqına daxil olmayan ölkələrlə əməkdaşlığı nəticəsində ərsəyə gəlmiş planı mümkün qədər sürətlə həyata keçirmək lazımdır. Söhbət Azərbaycandan başlayıb Qdansk limanına qədər uzanan cənub-şərq istiqamətindən gedir. Lakin boru kəməri burada kəsilmir, buradan xammal daha uzaqlara daşınır".

L.Kaçinski vurğulamışdır ki, enerji təchizatı mənbələrinin şaxələndirilməsi zərurətdir.

AzərTAc

Azərbaycan.-2009.-8 yanvar.-S.5.