Şəhidlərin xatirəsinə ehtiram

Həmin gün Estoniya Prezidenti Toomas Hendrik İlves Şəhidlər xiyabanını ziyarət etmişdir.

Burada ali qonağın şərəfinə fəxri qarovul dəstəsi düzülmüşdü.

Prezident Toomas Hendrik İlves "Əbədi məşəl" abidəsinin önünə əklil qoydu.

Müdafiə Nazirliyinin əlahiddə nümunəvi orkestrinin ifasında Estoniyanın və Azərbaycanın dövlət himnləri səsləndi. Ali qonağa Şəhidlər xiyabanının tarixi və paytaxtımızda görülən abadlıq-quruculuq işləri barədə məlumat verildi.

Prezident Toomas Hendrik İlves Azərbaycan paytaxtının mənzərəsini seyr etdi.

Estoniya Prezidentini Bakı Şəhəri İcra Hakimiyyətinin başçısı Hacıbala Abutalıbov, xarici işlər nazirinin müavini Hafiz Paşayev və digər rəsmi şəxslər müşayiət edirdilər.

AzərTAc

Azərbaycan.-2009.-14 yanvar.-S.4.